LUKAS 19:1 - KITTA' MATANGKASA'

¹ Ri wattunna battu Isa mange ri Yerikho, a'jappa tulusu'mi Nalaloi anjo kotaya.

LUKAS 19:1 Iomraidhean Croise

1 KARAENG-KARAENG 16:34

Lalang ri wattu pamarentahanna Ahab, nibangummi ammotere' kota Yerikho ri Hiel, iamintu tu battu ri Betel. Mingka sangkamma apa le'baka Napau la'bi riolo Batara tete ri Yosua ana'na Nun, taenami rua ana'na Hiel: Abiram ana' toana matei ri wattu napadongko'na pundasina kotaya, siagang Segub ana' bungkona matei ri wattu napasanna Hiel pakke'bu'-pakke'bu' lompona anjo kotaya.

MARKUS 10:46

Battumi ke'nanga mange ri Yerikho. Na ri wattunna Nabokoi Isa siagang ana'-ana' gurunNa, kammayatompa tau jaia anjo tampaka, nia'mo se're tau buta ammempo appala'-pala' ri biring aganga. Arenna nikana Bartimeus, ana'na Timeus.

LUKAS 18:35

Ri wattunna a'birimmo anrapi' Isa battu mange ri Yerikho, nia'mo se're tau buta ammempo ri birinna aganga appala'-pala'.

LUKAS 19:2

Anjoreng ri kotaya nia' sitau kapala pasingara' sima, sannaka kalumanynyanna, niarenga Zakheus.

YOSUA 2:1

Nampa battu ri pakkemaanga ri Sitim, nasuromi Yosua rua mata-mata a'lampa mange ri Kanaan. Naparentakangi anjo ruaya tau untu' accokko-cokko ansalidiki Kanaan, lomoro' se'rea iamintu kota Yerikho. Jari a'lampami ke'nanga mange ri anjo kotaya, nampa a'bangngi ri se'reang balla' baine pagau' bawang, niarenga Rahab.