LUKAS 18:43 - KITTA' MATANGKASA'

⁴³ Anjo wattua, akkulle memammi accini' silalonna. Nampa amminawang ri Isa, siagang appala' sukkuru'mi ri Allata'ala. Nacini'na tau jaia anjo apa kajarianga, ammuji-muji ngasemmi ke'nanga ri Allata'ala.

LUKAS 18:43 Iomraidhean Croise

PAMMUJI 107:15

Siratangi ke'nanga appala' sukkuru' ri Batara lanri pangngamaseanNa, lanri sikamma bate pare' malompoNa mae ri rupataua.

PAMMUJI 107:8

Siratangi ke'nanga appala' sukkuru' ri Batara lanri pangngamaseanNa, lanri sikamma bate pare' malompoNa mae ri rupataua.

PAMMUJI 146:8

siagang ampa'jari tau butaya akkulle accini'. Napabangungi tau tu'guruka, siagang Nakamaseangi tau lambusuka.

PAMMUJI 30:2

Mammujia' mae ri Katte, o, Batara, saba' le'ba'ma' Kipasalama' siagang tena Kibalang parekanga' nigorai ri musungku.

YESAYA 35:5

Anjo wattua tau butaya lakkullei accini', na tau tongoloka lakkullei allangngere'.

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

YESAYA 43:21

Iami ke'nanga bansa Kupareka untu' KalengKu, sollanna akkulle nakabarrang pammujia untu' iNakke.”

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

MATIUS 21:14

Battumi tau butaya siagang tau pesoka nierang mae ri dallekanNa Isa lalang ri Balla'Na Batara. Nampa niballei ngaseng ri Isa, na'jari baji' memang silalonna.

MATIUS 9:8

Ri wattunna nacini'mo tau jaia anjo apa kajarianga, malla' ngasemmi ke'nanga; nammuji-mujimo ke'nanga ri Allata'ala, lanri Napa'nyatanamo Allata'ala koasa kammaya lompona mae ri tu linoa.

LUKAS 13:17

A'jari siri'-siri' ngasemmi anjo musunNa Isa allangngereki pappialinNa Isa; mingka sikamma tau maraenga sannang sikali anciniki sikamma gau' appakalannasa' Nagaukanga Isa.

LUKAS 19:37

Ri wattunna a'reppese'mo ri Yerusalem, ri agang anynyoloroka ri Bonto Zaitun, appakkaramula ngasemmi sikamma ana' gurunNa akkiok-kio' mammuji-muji ri Allata'ala. Siagang appala' sukkuru'mi ke'nanga ri Allata'ala, lanri le'ba'na ngasemmo nacini' ke'nanga sikamma gau'-gau' appakalannasa' le'baka Nagaukang Isa.

LUKAS 4:39

Mangemi Isa ri katinroanna anjo ibu', nampa Napela' assulu' anjo rammusu'na. Ammarimi anjo rammusuka; nambangung memammo silalonna matoang bainena Petrus, mange allayani ke'nanga.

LUKAS 5:26

Sanna' ngasemmi lannasa'na ke'nanga, nammuji-mujimo ri Allata'ala. Na lalang malla'na, nakanamo ke'nanga, “Teai sipato' appakalannasa'na kajariang nicinika anne alloa!”

LUKAS 9:43

Lannasa' ngasemmi taua anciniki antekamma lompona koasaNa Allata'ala. Ri wattunna lannasa' ngaseng ija taua anciniki anjo apa-apa Nagaukang ngasenga, Nakanamo Isa ri ana'-ana' gurunNa,

LAMPA-LAMPANA 11:18

Nalangngere'namo anjo apa napabattua Petrus, tenamo nakkana-kana ke'nanga. Nampa ammuji-mujimo ke'nanga ri Allata'ala. Nakana ke'nanga, “Punna kamma, manna bansa maraenga nisare tommi oloang ri Allata'ala sollanna toba' ke'nanga battu ri dosa-dosana, nanapahang baji' katallassang sitojennaya!”

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

LAMPA-LAMPANA 4:21

Takkulleami anggappa alasang manna sirupa anjo anggota-anggota sidanga ri pangadelanga, untu' anghukkungi Petrus siagang Yohanes. Jari nagaratta'mi ke'nanga anjo tau ruaya, nampa nalappassang, nasaba' ammuji-muji ri Allata'ala tau jaia passabakkang anjo kajarianga.

GALATIA 1:24

Jari, ammuji-mujimi ke'nanga ri Allata'ala, passabakkang inakke.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.