LUKAS 18:4 - KITTA' MATANGKASA'

⁴ Salloi taeroka anjo hakinga antulungi anjo jandaya. Mingka kala'busanna appikkiri'mi anjo hakinga nakana, ‘Manna tena kumalla' ri Allata'ala, siagang tena ngaseng kujampangi taua,

LUKAS 18:4 Iomraidhean Croise

LUKAS 12:17

Appakkaramulami appikkiri' anjo tu kalumanynyanga nakana, ‘Tenamo tampa' lakupammoliki wassele'na tanaku. Apa akkalakku kamma-kamma anne?’

LUKAS 16:3

Jari appikkiri'mi anjo pagawena ammolika doe' nakana, ‘Lanapasulukka' anjama karaengku. Jari apami parallu kugaukang kamma-kamma anne? Erokka' ammingkung anjama tana, natakukullea; lamangea' appala'-pala', nakusiri'-siri'.

LUKAS 18:2

Nakana Isa, “Ri se'reang kota, nia' sitau haking, tenaya namalla' ri Allata'ala, siagang manna inai tena todong najampangi.

LUKAS 18:3

Ri anjo kotaya, nia' todong sitau janda. Anjo jandaya, a'mole-molemi mange andallekang ri anjo hakinga, sollanna nisare ammeta lalang ri kara-karana nibicaraya. Nakana anjo jandaya, ‘Kitulunga' angngewai balingku.’

LUKAS 20:13

Kala'busanna nakanamo anjo patanna koko, ‘Apa mami musti kugaukang? Bajikangang ana' kalengku kukamaseanga kusuro. Tantu lanapakala'biriki ke'nanga punna ana' kalengku kusuro!’

IBRANI 12:9

Nia' manggeta ri lino. Naajarakki' siagang nipakala'biriki. Jari, la'biangampa mae ri Mangge rohanita, niaka ri suruga, tantu musti la'bi tundukki' mae ri Ia sollanta attallasa'.

HAKING-HAKING 14:17

Lalanna tuju allo passua'-suarranga tuli angngarru'na bainenna Simson. Na lanri tuli angngarru'na ero' nipauang, ri maka tujuna allona nipauammi ri Simson battuanna anjo tappu-tappuanga. Nampa nakanamo bainenna Simson battuanna anjo tappu-tappuanga mae ri tu Filistin.