LUKAS 18:37 - KITTA' MATANGKASA'

³⁷ Nakanamo ke'nanga ri anjo tau butaya, “Isa, anjo tu Nazaretka, niaki numalo.”

LUKAS 18:37 Iomraidhean Croise

MATIUS 2:23

Anjoremmi ammantang ke'nanga, ri se'reang kota nikanaya Nazaret. Lanri kammana, a'rupami apa le'baka napau na'bi-na'bia ri passala'na anjo Anaka angkanaya, “Lanigallaraki Tu Nazaret.”

LUKAS 18:36

Nalangngere'na anjo tau butaya angkanaya jai tau numalo anjoreng ri aganga, akkuta'nammi nakana, “Apa anjo?”

LUKAS 18:38

Akkiok-kio'mi anjo tau butaya nakana, “O Isa, Ana'na Daud! Kamaseang laloa'!”

LUKAS 2:51

Le'baki anjo, ammotere'mi ke'nanga siagang Isa mange ri Nazaret. Amminawang turu'mi Isa ri ke'nanga. Napariatimi amma'Na sikamma anjo passalaka.

YOHANES 1:45

Assibuntulu'mi Filipus siagang Natanael, na nakana ri ia, “Ikambe nibuntulu'mi anjo tau le'baka nasero kana Na'bi Musa lalang Kitta' HukkunNa Allata'ala, siagang le'baka nakabarrang na'bi-na'bia. Anjo taua nikanai Isa tu battua ri Nazaret, ana'na Yusuf.”

YOHANES 19:19

Ri kayu salli'Na Isa nia' nasuro tannang Pilatus tulisang angkanaya: “Isa battu ri Nazaret, Karaenna Tu Yahudia”.

LAMPA-LAMPANA 2:22

Sikamma sari'battangku tu Israelka! Pilangngeri anne apa kupaua: Anjo Isa, battua ri Nazaret, nisarei tugasa' ri Allata'ala untu' ikau ngaseng. A'nassa sikalimi anjo lalang ri gau'-gau' appakalannasa' siagang apa-apa tenaya narapiki akkala'nu, le'baka Nagaukang Allata'ala ri tangnga-tangnganu lalang ri KalenNa anjo Isa. Yangasenna anjo massing nuassemmi.

LAMPA-LAMPANA 4:10

Jari, ikatte ngaseng, kammayatompa sikontu bansa Israel, musti kiasseng ngasengi angkanaya lanri kagassinganNa siagang kakoasanNa Isa Almasi anjo battua ri Nazaret, nakkullemo nia' ammenteng ri dallekannu ngaseng anne taua. Kamma-kamma anne gassimmi siagang salewangammi tubuna anne tau le'baka peso', lanri anjo Isa Almasi. Ikatte ngasemmi le'ba' ansalliki anjo Isa Almasi. Mingka nipattallasa' poleammi ammotere' ri Allata'ala.

2 KORINTUS 6:2

Nakana Allata'ala lalang ri Kittaka, “Ri wattu pangngellaingKu, Kupilangngerimi pappala'nu, siagang ri wattu allo kasalamakkanga, Kupasalama' mako.” U'rangi baji'-baji'! Iaminne wattua, wattu pangngellaiNa Allata'ala. Kammayatompa iaminne alloa, allo pappasalama'Na Allata'ala.