LUKAS 18:35 - KITTA' MATANGKASA'

³⁵ Ri wattunna a'birimmo anrapi' Isa battu mange ri Yerikho, nia'mo se're tau buta ammempo ri birinna aganga appala'-pala'.

LUKAS 18:35 Iomraidhean Croise

MATIUS 13:4

Lalang napakioro'na anjo binea, nia'mo takkioro' ri aganga. Apaji nabattumo jangang-janganga angkanrei anjo binea sa'genna cappu'.

LUKAS 18:36

Nalangngere'na anjo tau butaya angkanaya jai tau numalo anjoreng ri aganga, akkuta'nammi nakana, “Apa anjo?”

LUKAS 19:1

Ri wattunna battu Isa mange ri Yerikho, a'jappa tulusu'mi Nalaloi anjo kotaya.

YOHANES 9:8

Sikamma sambori'na, siagang sikamma tau le'baka anciniki appala'-pala' anjo taua, angkana ngasemmi, “Sai ia anne tau biasaya ammempo appala'-pala'?”

LAMPA-LAMPANA 3:2

Anjoreng ri pakke'bu' lompoa, niarenga “Pakke'bu' Ga'gaya”, nia' sitau bura'ne peso'. Peso' memammi baku' nilassukanna. Allo-allona nierang anjo taua mange anjoreng untu' appala'-pala' ri tau eroka antama' ri Balla'Na Batara.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.