LUKAS 18:32 - KITTA' MATANGKASA'

³² Lanipassareangi mae ri tu kapereka, lanipare' kare'-karenangi ri ke'nanga.

LUKAS 18:32 Iomraidhean Croise

YESAYA 50:6

Kutannangngangi dongkokku tau eroka amba'jia'; na pilisikku mae ri tau eroka ambi'buki janggokku. Tena nakugilingi rupangku ri wattungku nihina siagang nipi'rui.

YESAYA 52:14

Riolo jai tau ta'bangka anciniki, nipanraki rupanna sa'genna tenamo nattanja' tau.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

MIKHA 5:1

Nakana Batara, “He Betlehem Efrata, ikau kalase'renna kota kaminang ca'dia ri Yehuda! Mingka battu ri kaumi laKupammumba sitau makoasaya untu' Israel, naia assala'na battu riolo duduji.”

MATIUS 16:21

Anjo wattua appakkaramulami a'bicara silambusu'na Isa mae ri ana'-ana' gurunNa, angkanaya takkulleai ta'lampa mange ri Yerusalem angkasiaki passessa jaia. Iamintu passessa battua ri pingga'-pinggawana tu Yahudia, imang-imang kapalaya, kammayatompa guru-guru agamaya. Lanibunoi, mingka lanipattallasa' poleangi battu ri kamateanga ri makatalluna alloa!

MATIUS 20:19

nanipassareang ri tau teai bansa Yahudi. Lanicau-caui ri ke'nanga, lanisessai, nampa nisalli' ri ke'nanga. Mingka ri makatalluna alloa lanipabangungi pole ammotere'.”

MATIUS 22:6

ba'lalo nia' tommo anjakkalaki anjo pala'-palayanna nasuroa Karaenga, naallei naba'ji, nampa nabuno.

MATIUS 26:67

Massing battumi ke'nanga ampi'rui rupanNa Isa, nampa nasessa naba'ji. Nia' tommo antempaka'rangi,

MATIUS 27:2

Nasikko'bokomi Isa, nampa naerang ke'nanga mange napassareang ri Pilatus, wakkele'na pamarenta Roma.

MARKUS 14:65

Appakkaramulami siapa areang ri ke'nanga ampi'rui rupanNa Isa. Siagang natongko'mi matanNa nampa naba'ji. Nampa nakana ke'nanga, “Coba sai tappu, inai amba'jiKo?” Amminawang ngaseng tommi pangawalaka antempaka'rangi Isa.

MARKUS 15:1

Ri bari'basa' dudua akkaro-karomi sipa'bicara sikontu hakinga ri Pangadelang Agamaya siagang imang-imang kapalaya, pamimping-pamimpinna tu Yahudia kammayatompa guru-guru agamaya. Nasikko'mi ke'nanga Isa nampa naerang mange napassareang ri Pilatus.

LUKAS 18:33

Lanisessai siagang lanibunoi ri ke'nanga, mingka lattallasa' poleangi battu ri kamateanga ri makatalluna alloa.”

LUKAS 23:1

Ammenteng ngasemmi taua ri sidanga, nampa naerang Isa mange ri dallekanna Pilatus.

LUKAS 23:11

Nipare' karek-karenammi siagang nihina-hinami Isa ri Herodes siagang surudadua. Nampa nipipakei pakeang kalompoang, nanikiring ammotere' mae ri Pilatus.

LUKAS 23:35

Ammenteng ngasemmi tau jaia anjoreng ancini'-ciniki Isa. Na nicau-caumi Isa ri pamimping-pamimpinna tu Yahudia angkana, “Le'baki Napasalama' tau maraenga; coba sabeki Napasalama' KalenNa kamma-kamma anne, punna ma'nassa Karaeng Mappasalama' tojengi, nipilea ri Allata'ala!”

YOHANES 18:22

Ri wattunna akkana kamma anjo Isa, nia'mo sitau pangawala' antempaka'rangi siagang nakana, “Nubarani kamma akkana kammanjo mae ri imang lompoa!”

YOHANES 18:28

Ri bari'basa' dudua naerammi ke'nanga Isa battu ri balla'na Kayafas mange ri balla' lompona guburnurka. Sikamma tu Yahudia tena nantama' ri balla' lompoa, sollanna tena na'jari ra'masa' situru' ajarang agamana ke'nanga. Nasaba' eroki ke'nanga amminawang angnganre Paska.

YOHANES 18:30

Appialimi ke'nanga angkana, “Ebara' angkana tena salanna antu Taua, tena olona lanierang mae ri katte.”

YOHANES 18:32

Kajariammi anne kammaya, sollanna a'rupamo apa le'baka Napau Isa, ri passala' antekamma bateNa lamate.)

YOHANES 18:35

Appialimi Pilatus nakana, “Bara' nukana tu Yahudia'? BansaNu tonji ampassareangKo mae ri nakke siagang imang-imang kapalaya. Apa kutadeng le'ba' Nugaukang?”

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

LAMPA-LAMPANA 3:13

Allata'ala nasombaya Abraham, Ishak, Yakub, Allata'alana boeta, Iaminjo Allata'ala ampakalompoai Ana'Na, iamintu Isa. Iaminjo Isa le'baka nupassareang ri pamarentaya, siagang numusua ri dallekanna Pilatus, ri wattunna ero' nilappassang ri Pilatus.