LUKAS 18:16 - KITTA' MATANGKASA'

¹⁶ Mingka Nakio'mi Isa, anjo ana'-anaka na Nakana ri ana'-ana' gurunNa, “Lappassangi nabattu ana'-anaka mae ri Nakke! Teako pisangkai, nasaba' tau kammayami anne la'jari umma'Na Allata'ala.

LUKAS 18:16 Iomraidhean Croise

PA'JARIANG 21:4

na ri wattunna narapi' sagantuju allo umuru'na Ishak, nasunna'mi Abraham anjo anaka situru' parentaNa Allata'ala.

2 PATTOTTORANG 20:13

Lalanna anjo wattua sikontu tu bura'ne Yehuda siagang massing tubai'-bainena kammayatompa ana'-ana'na ke'nanga ammentengi ri Balla'Na Batara.

YEREMIA 32:39

LaKusarei ke'nanga poro se're bawang oloang mange ri katallassanga: iamintu, napakalompoA' satunggu-tungguna; anjo kammaya langngerangi kabajikang mae ri kalenna ke'nanga, siagang mae ri jari-jarina.

MATIUS 19:14

Nakanamo Isa ri ana'-ana' gurunNa, “Lappassangi namae ri Nakke anjo ana'-anaka, teako pisangkai. Nasaba' tau kammayami anne la'jari umma'Na Allata'ala.”

LUKAS 18:15

Nia' siapa are jaina tau angngerang ana'-ana' ca'di mae ri Isa, sollanna nijama siagang nibarakkaki ke'nanga ri Isa. Nacini'na ana'-ana' gurunNa Isa anjo tau angngeranga ana'-ana', nakalarroi ngasemmi anjo taua.

LUKAS 18:17

U'rangi! Inai-nai tena na'jari sanrapang anne ana'-anaka battu andallekang ri Nakke, takkulleai a'jari umma'Na Allata'ala.”

LAMPA-LAMPANA 2:39

Nasaba' anjo Napa'janjianga Allata'ala untu' ikau ngaseng siagang sossorannu, kammayatompa untu' tau battua ri pammantangang bellaya – iamintu sikontu tau Nakioka Allata'ala Batarata battu mae ri Ia.”

1 KORINTUS 14:20

Sikamma sari'battangku! Teako appikkiri' kammai ana'-ana'. Ri passala' nikanaya panggaukang sala, paralluko a'jari tuli kamma ana' ca'di. Mingka ri passala'na nikanaya pikkirang, paralluko a'jari tau toamo.

1 KORINTUS 7:14

Nasaba' bura'ne tenaya natappa' a'jari nipassiratangi ri Allata'ala, a'jari umma'Na Allata'ala lanri pa'buntinganna siagang anjo baine a'jariamo umma'Na Allata'ala. Kammayatompa, anjo baine tenayapa natappa', akkullei a'jari nipassiratang a'jari umma'Na Allata'ala, lanri pa'buntinganna siagang anjo bura'ne a'jariamo umma'Na Allata'ala. Punna takammaya, anjo ana'-ana'na ke'nanga tantu la'jari sangkammai ana'-ana' kapereka, padahala' anjo ana'-anaka nipasanrapangi anggota umma'Na Allata'ala.

PAOLE 29:11

tu bainea, ana'-anaka, siagang sikontu bansa maraeng niaka ammantang ri tangnga-tangnganu siagang ambantuako ammolong kayu siagang ammisang je'ne'.

PAOLE 31:12

Suroi sikontu tu bura'nea, bai'-bainea siagang ana'-anaka, siagang bansa maraeng niaka ammantang ri kota-kotanu asse're untu' ampilangngeri anjo pambacanga, sollanna appilajara' ke'nanga ampakala'biriki Karaeng Allata'alanu, kammayatompa majarrekko mannuruki ri parenta-parentaNa.

1 PETRUS 2:2

Paralluko a'jari sanrapang ana' lolo beru lassuka, tuli turerea ero' angnginung je'ne' susu rohani tenaya bengkoro'na, sollannu akkulle a'bakka' siagang nipasalama'.