LUKAS 17:4 - KITTA' MATANGKASA'

⁴ Punna pintujui doraka ri kau lalanna siallo, natuli battu appala' popporo' ri kau nakana, ‘Pammopporanga',’ pammopporangi.”

LUKAS 17:4 Iomraidhean Croise

MATIUS 18:16

Mingka punna tena napilangngeriko, akkiokko pole se're yareka rua tau, nu'rurung mange ampauangi pole. Nasaba' nia' tattulisi' lalang ri Kittaka angkanaya, ‘Kaminang kuranna parallui rua yareka tallu tau a'jari sa'bi nampa akkulle se'rea tau nipattantu kasalanna.’

MATIUS 18:35

Na ri kala'busang caritaNa Isa Nakanamo, “Kammatommi anjo sallang laNagaukanga ManggeKu ri kau ngaseng, punna tena nuero' ampammopporangi sari'battannu siagang ati maci'nonnu.”

MATIUS 5:44

Mingka anne kamma Kukana ri kau ngaseng: kamaseangi sikontu balinnu siagang pappala' doangangi tau assessayako,

MATIUS 6:12

Kipammopporangi dosa-dosana ikambe, Sangkamma napammopporammi ikambe tu salaya ri kalenna ikambe.

LUKAS 17:5

Nakana ana'-ana' gurunNa Batara Isa, “O Batara, Kipakajarreki tappa'na ikambe.”

ROMA 12:20

Jari, punna cipuru' musunnu sarei kanre; na punna turerei, sarei je'ne' inung. Nasaba' punna kamma anjo panggaukannu mae ri ia, ma'nassa latu'guru' siri'-siri'mi anjo musunnu.