LUKAS 17:34 - KITTA' MATANGKASA'

³⁴ Patappa'mi angkanaya: anjo bangngia punna nia' rua tau attinro ri se'rea katinroang, lanierangi a'lampa sitau, nalaniboli' sitau.

LUKAS 17:34 Iomraidhean Croise

PAMMUJI 26:9

TeaKi' bunoia' siagang tu dorakaya, yareka teaKi' allei nyawaku assama siagang tu appasolonga cera'.

PAMMUJI 28:3

Teaki' tumpassia' assama siagang tu dorakaya, siagang tu a'gau' ja'dalaka. Sanna' sombere'na kana-kananna ke'nanga, mingka atinna lalang teai sipato' botto'na.

YESAYA 42:9

Kamma-kamma anne apa le'baka Kutappu riolo kajariammi; erokKa' pole ampabattui passala' berua; ri tenanapa nakajariang anjo, Kupau riolomi mae ri kau.”

YEREMIA 45:5

Angngapa nuero' nipa'la'biangngang? Teako appakammai, Barukh! Sikontu umma' rupataua Kuhukkungi siagang bala, mingka ri sesena ikau, kaminang sike'de'na ikau lasalamakko. Manna kemae lampanu, latuli attallasakko. INakke, Batara, anne akkana.”

MATIUS 24:25

Jari, u'rangi memangi! Kupauang mako anne la'bi riolo ri tenanapa nakajariang.

MARKUS 13:23

Jari tutu laloko! Kupauangko anne la'bi riolo ri tenanapa nakajariang yangasenna anjo passalaka.”

MARKUS 14:29

Appialimi Petrus nakana, “Tena! Manna a'lampa ngaseng ke'nanga ampilariKi', mingka inakke tena sikali kuero' ampilariKi'.”

LUKAS 13:24

“Usaha mako antama' siagang numalo ri pakke'bu' seppaka. Nasaba' u'rangi! Jai sikali tau ero' antama' mingka takkulleai.

LUKAS 13:3

Tena sikali! Mingka u'rangi, angkanaya: punna tena nutoba' battu ri dosa-dosanu, lamate kamma ngaseng tongko anjo ke'nanga.

LUKAS 13:5

Tena sikali! Sikalipi pole Kupauangko angkanaya: Punna tena nutoba' battu ri dosa-dosanu, lamate kamma ngaseng tongko anjo ke'nanga.”

LUKAS 17:33

Inai-nai ero' ampasalamaki katallassanna, iami latappela' katallassanna. Mingka inai-nai tappela' katallassanna, iami lanipasalama' katallassanna.

LUKAS 17:35

Na punna nia' rua baine a'dengka ase, lanierangi a'lampa sitau, nalaniboli' sitau. [

2 PETRUS 2:9

Jari Naassengi Batara angkanaya antekamma batena ampasalamaki tau eroka mannuruki ri ero'Na, punna nadallekangi sikamma paccobaya. Siagang Naassengi Batara angkanaya antekamma batena amboliki sikamma tau ja'dalaka, sollanna akkulle nisessa sallang ri Allonna Pangadelanga,