LUKAS 17:3 - KITTA' MATANGKASA'

³ Jari tutu laloko! Punna doraka sari'battannu, pakaingaki. Punna nasassala'mo kalenna, pammopporangi.

LUKAS 17:3 Iomraidhean Croise

PAMMUJI 141:5

Punna nia' tau baji' ampakaingaka', siagang lambusuki pa'mai'na angngajarakka', iaminjo sanrapang minynya' kaminang baji' mae ri nakke. Poro tena lalo nakutollaki, saba' tulusu' appala' doangku ambaliangi kaja'dallanna ke'nanga.

KALAPPASSANG 34:12

Teako appareki parjanjiang siagang sikamma tau niaka anjoreng ri pa'rasangang nubattuia, nasaba' anjo kammaya akkullei a'jari sikko' angngerangako mae ri kamateanga.

PANGNGEBARANG 17:10

Se'rea pappasaile tinggiangngangi anggaranna mae ri tau bajika akkala'na kala sibilangngang paccambo' mae ri tau dongoka.

PANGNGEBARANG 27:5

Bajikangngangi pappasaile nilambusianga kala pangngamaseang tenaya nanipasuluki.

PANGNGEBARANG 9:8

Teako callai tau taeroka niajara', saba' lanakabirisiko. Mingka punna tau cara'de' nupicinikiang kasalanna, lanapakala'birikko.

KAIMANGNGANG 19:17

Teako pammoli'-molikangngi parannu tau, manna pole inai. Pakabajiki punna nia' passisala-salannu manna pole inai nuagang sisala-sala, sollanna tena nudoraka passabakkang tau maraeng.

MATIUS 18:21

Le'baki anjo mangemi Petrus akkuta'nang ri Isa angkana, “O Batara, punna sala sari'battangku ri nakke, pissiapai akkulle kupammopporang? Sa'genna pintuju?”

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

EFESUS 5:15

Lanri kammana, parhatikangi baji'-baji', antekamma katallassannu. Teako attallasaki sangkamma tau dongoka. Attallasakko sangkamma tau cara'de'.

PAOLE 4:15

“U'rangi baji'-baji'! Ri wattunna a'bicara Batara mae ri kau lalang pepe' ri Moncong Sinai, tena apa-apa nucini'.

PAOLE 4:23

U'rangi baji'-baji'! Teako takkaluppai ri parjanjiang Napareka Karaeng Allata'alanu siagang ikau ngaseng! Turuki parentaNa; tea' laloko appareki patung manna pole antekammaya tanja'na untu' nusomba,

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

YAKOBUS 5:19

Sikamma sari'battangku! Punna nia' tau ri tangnga-tangnganu taerokamo anturuki pangngajarang battua ri Allata'ala, nampa nia' tau akkulle ampoterangi anjo taua mae ri Allata'ala,

2 YOHANES 1:8

Lanri kammana, jagai gassingka niakko ampelaki anjo apa le'baka nausahakang ikambe untu' ikau ngaseng. Usahako sollanna nutarima ngaseng sawala'nu.