LUKAS 17:27 - KITTA' MATANGKASA'

²⁷ Langnganre angnginungi, siagang lasibunting-buntingi taua; iaminjo tuli nagaukang ke'nanga, sa'genna antama' Na'bi Nuh ri biseanga. Nabattumo a'ba lompoa, namate tallang ngasemmo ke'nanga.

LUKAS 17:27 Iomraidhean Croise

PA'JARIANG 7:7

Nuh siagang bainenna, kammayatompa ana'-ana'na siagang massing bainenna ke'nanga, antama' ngasengi ri anjo kappalaka alliliangi anjo a'ba lompoa.

YESAYA 21:4

Lussaki pa'maikku; annekkerekka' napakamma malla'. Poro malla'ji naerang battu bangngi kuminasaia.

YESAYA 47:11

Mingka lanatujuko bala, takkulleai baca-bacanu ampalili. Lanibattuiko ri bahaya, takkulleako ampasalai. Ti'ring labattui kapanrakanga, tanusanna-sannayai la'bi riolo.

MATIUS 22:30

Nasaba' punna attallasa' poleangi sallang tau matea, tenamo nala'bunting poleang ke'nanga. Passangalinna lakammami ke'nanga malaekaka ri suruga.

LUKAS 17:26

Mingka ri allo nipa'nyatana Ana' Ma'rupataua sallang, lakammai lampa-lampana ri wattu jammanna Na'bi Nuh.

LUKAS 17:28

Kamma tomminjo ri wattu jammanna Lot. Angnganre angnginungi, a'danggangi, a'lamung-lamungi, siagang massing ambangungi taua balla'.

1 SAMUEL 30:16

Jari niantara'mi ke'nanga mange ri tampa'na anjo garombolanga. Anjo wattua anjo garombolanga tassia'-siaraki ri sikontu anjo tampaka, sitabangi angnganre, angnginung siagang assua'-suara' lompo lanri jaina barang narampasa' naerang ke'nanga battu ri pa'rasangang Filistin siagang Yehuda.