LUKAS 17:21 - KITTA' MATANGKASA'

²¹ sa'genna akkulle taua angkana, ‘Umba naniciniki, iaminne!’ yareka, ‘Niaki anjoreng!’ Nasaba' sikontutojenna appakkaramulami ammarenta Allata'ala ri tangnga-tangnganu ngaseng.”

LUKAS 17:21 Iomraidhean Croise

MATIUS 12:28

Mingka iNakke nakkulle Kubongka setanga lanri koasa battu ri RohNa Allata'ala. Na iaminjo a'jari pammatei, angkanaya appakkaramulami ammarenta Allata'ala ri tangnga-tangnganu ngaseng.

MARKUS 13:21

Anjo wattua punna nia' tau angkana ri kau, ‘Ciniki, niaki anrinni Karaeng Mappasalamaka!’ yareka nakana, ‘Niaki anjoreng!’ – teako tappakki ri anjo taua.

LUKAS 17:23

Lanakana sallang taua ri kau, ‘Ciniki, anjoreng!’ yareka nakana, ‘Ciniki, anrinni!’ Mingka teako assuluki mange amboyai.

LUKAS 21:8

Nakanamo Isa, “Tutu laloko, gassingka nitipuko. Nasaba' lajai tau battu ampakei arengKu, angkana, ‘Inakke minne!’ Siagang nakana, ‘Narapi'mi wattunna.’ Mingka teako turuki ke'nanga.

YOHANES 1:26

Appialimi Yohanes, nakana, “Inakke je'ne' kupake anje'neki taua. Mingka nia' ri tangnga-tangnganu tau tenaya nuassengi.

YOHANES 18:36

Nakanamo Isa, “INakke kakaraengangKu tena nabattu anrinni ri linoa. Ebara' angkana battu anrinni ri linoa kakaraengangKu, ma'nassa langngewai taungKu sollanna tena nanipassareangA' mae ri sikamma pamarentana tu Yahudia. Mingka tena memang nabattu anrinni ri linoa kakaraengangKu!”

ROMA 14:17

Nasaba' punna lalang ri pamarentahanNa Allata'ala, tena naparallu nikanaya apa-apa akkullea nikanre yareka apa-apa akkullea niinung. Mingka ia parallua iamintu angkanaya mannuruki rupataua ri ero'Na Allata'ala, nakasiaki nikanaya salewangang ri pa'maika, kammayatompa karannuang Napassareanga RohNa Allata'ala.

KOLOSE 1:27

Mae ri anjo umma'Na, eroki Allata'ala ampa'nyatai antekamma baji'na siagang mala'biri'na anjo rahasiaNa untu' sikontu rupataua. Anjo rahasiaya, iamintu: Niaki Almasi lalang ri kalennu; battuanna langgappa tongko bageang lalang ri kalompoanNa Allata'ala.