LUKAS 16:31 - KITTA' MATANGKASA'

³¹ Mingka nakanamo Abraham, ‘Punna tena najampangi apa-apa napassuroanga Na'bi Musa siagang na'bi-na'bi maraenga, mattantu tena todong nalatappa' ke'nanga, manna pole nia' tau mate attallasa' poleang mange ampakaingaki ke'nanga!’ ”

LUKAS 16:31 Iomraidhean Croise

PA'JARIANG 9:27

Poro Natambai barakka'Na Allata'ala mae ri Yafet iamintu Natambai luara'na pammantanganna. Poro sipammantangngangi sossoranna siagang sossoranna Sem. Kanaan la'jari atai mae ri Yafet.”

LUKAS 16:30

Mingka appialimi anjo tau kalumanynyanga nakana, ‘Tagannakapi anjo Bapa' Abraham. Mingka punna nia' tau mate attallasa' poleang, na mange ampakaingaki ke'nanga, latoba'mi ke'nanga ri massing dosa-dosana.’

LUKAS 17:1

Nakana Isa mae ri ana'-ana' gurunNa, “Mattantu lania' apa-apa a'jaria passabakkang na'gau' dosa taua. Mingka cilakami tau a'jaria passabakkang!

YOHANES 5:47

Mingka punna tena nutappa' ri apa le'baka natulisi' Musa, antekammako latappa' ri apa-apa Kupaua?”

LAMPA-LAMPANA 19:8

Niaki tallum bulang sallona tuli a'bicara siagang barani Paulus mae ri tau niaka lalang ri balla' sambayanga. A'bicarami siagang ke'nanga sollanna akkulle a'jari tappa' ke'nanga mae ri Allata'ala siagang PamarentahanNa.

LAMPA-LAMPANA 26:28

Nakanamo Agripa mae ri Paulus, “Nukana gampanga' lanupa'jari tu Karisteng silalonna?”

LAMPA-LAMPANA 28:23

Jari appattantumi ke'nanga siagang Paulus se're allo untu' a'rappungang pole. Anjo alloa jai tau battu mange ri pammantanganna Paulus. Battu ri bari'basa' sa'genna karueng napakasingara'mi siagang napabattumi Paulus anjo biritta battua ri Allata'ala siagang Pamarentahanna. Napakemi Paulus apa-apa niaka tattulisi' lalang ri Kitta'na Musa siagang Kitta'na Na'bi-na'bia, ampakasingariangi ke'nanga sollanna a'jari tappa' ke'nanga mae ri Isa.

2 KORINTUS 4:3

Punna tena ijapa napahangi taua anjo Kabara' Baji' nabirittakanga ikambe, tau eroka mamo a'lampa mange ri possoka takkullea ampahangi.

2 KORINTUS 5:11

Naassemmi ikambe angkana apa battuanna nikanaya malla' mae ri Batara; iaminjo saba'na nausahamo ikambe ampakatappaki taua ri sesena kalenna ikambe. Baji' niassenna ikambe ri Allata'ala, naminasai sollanna nanuasseng todong ikambe lalang ri atinnu ngaseng.