LUKAS 16:29 - KITTA' MATANGKASA'

²⁹ Appialimi Abraham nakana, ‘Nia'mo ri ke'nanga kitta'-kitta'na Na'bi Musa siagang kitta'-kitta'na na'bi-na'bi maraenganga! Boli'mi kamma nanaturuki ke'nanga sikamma apa tattulisika lalang ri anjo kitta'-kittaka!’

LUKAS 16:29 Iomraidhean Croise

YESAYA 34:16

Boyai siagang bacami lalang Kitta'Na Batara, niaka angkana: Tena manna se're anjo sikontu apa attallasa' nipa'jari latappela' yareka latena pasanganna. Saba' kammaminjo parentaNa Batara, siagang Ia KalenNa lampa'rappungangi ke'nanga.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

LUKAS 16:16

Sikamma atorang battua ri Musa siagang pangngajaranna na'bi-na'bia tuli nipakei sa'genna battu Yohanes Paje'ne'. Pakkaramula anjo wattua tuli nibirittakammi Kabara' Baji' ri passala' antekamma bateNa ammarenta Allata'ala. Siagang napassami kalenna taua a'boya oloang ero' antama' a'jari umma'Na Allata'ala.

LUKAS 24:27

Le'baki anjo nipakasingariammi ri Isa ke'nanga, sikamma apa le'baka tattulisi' lalang ri Kittaka, ansero kanayai KalenNa. Napakasingara'mi appakkaramula battu ri kitta'-kitta'na Musa sa'genna kitta'na na'bi-na'bia.

LUKAS 4:17

Na nisaremo kitta' Na'bi Yesaya. Nasungkemi anjo kitta' ta'gulunga, nampa Nagappa siagang Nabaca anne aya' angkanaya,

LAMPA-LAMPANA 15:21

Nasaba' battu riolo duduji napabattu Musa passuroNa Allata'ala, siagang tuli nibacami punna allo Pammari-mariang ri sikamma balla' sambayanga siagang nibirittakang ri kota-kotaya.”

GALATIA 4:21

Inai-nai ero' attallasa' irawangang kakoasanna hukkung-hukkung agamaya, pilangngerimi anne kanangku! Erokko kupauang apa sitojenna tattulisika lalang ri Kitta' Hukkung napassareanga Musa.