LUKAS 16:20 - KITTA' MATANGKASA'

²⁰ Na ri dallekang pakke'bu' balla'na nia' se're tau kasi-asi dudu niarenga Lazarus. Rassi ngaseng kalenna puru-puru.

LUKAS 16:20 Iomraidhean Croise

AYUB 2:7

A'lampami lapung Panggoda battu ri dallekanNa Batara, nampa napa'jari puru lompomo sibatu kalenna Ayub, battu ri pala' bangkenna sa'genna nai' ri cappa' ulunna.

PAMMUJI 34:19

Ma'reppeseki Batara mae ri tu ca'dia pa'mai'na; Napasalamaki tu tappu' minasaya.

PAMMUJI 73:14

Saba' sila'busu' alloa' natuju nakasa'; bari'-bari'basakka' nisessa.

YESAYA 1:6

Battu ri cappa' ulunnu sa'genna pala' bangkennu tenamo baji'-baji' ri kalennu. Akkambang-kambang ngaseng kalennu, rassi bate cambo' siagang bokka'-bokka'. Anjo bokka'-bokka'nu tenapa nale'ba' nitangkasi siagang niroko', tena tompa naniballei siagang minynya'.

YEREMIA 8:22

Apa kutadeng lanrinna nasa'genna kamma-kamma anne tena memampa nammolle bansaku? Maka tenamo dottoro' yareka pa'balle ri sikontu Gilead?

MATIUS 26:71

Le'baki appiali kamma, a'lampami mange ri pakke'bu' parang lakkenga. Nia'mo pole baine palayang maraeng anciniki; na nakana ri tau niaka ngaseng anjoreng, “Anne taua assiagang tongi sumpaeng Isa, anjo tu battua ri Nazaret.”

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

LUKAS 16:21

Manna kongkonga battu tommi allepaki puru-puruna. Naero' dudumo nasa'ring angnganre, manna sesa-sesa kanre tu'gurukamo battu ri mejang pangnganreanna anjo tau kalumanynyanga.

YOHANES 11:1

Nia' sitau niareng Lazarus ammantang ri Betania siagang sari'battanna niarenga Maria siagang Marta.

LAMPA-LAMPANA 3:2

Anjoreng ri pakke'bu' lompoa, niarenga “Pakke'bu' Ga'gaya”, nia' sitau bura'ne peso'. Peso' memammi baku' nilassukanna. Allo-allona nierang anjo taua mange anjoreng untu' appala'-pala' ri tau eroka antama' ri Balla'Na Batara.

YAKOBUS 1:9

Tau Karisteng kasi-asia parallui marannu punna nipakatinggi ri Allata'ala.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.