LUKAS 16:1 - KITTA' MATANGKASA'

¹ Nakana Isa ri ana'-ana' gurunNa, “Nia' se're tau kalumanynyang. Na nia' sitau pagawena nasarea ammolika doe' siagang angngurusukai pa'barang-baranganna. Nia'mo tau ampabattuangi angkanaya nipa'laboangi doe'na ri anjo pagawe ambolikai doe'na.

LUKAS 16:1 Iomraidhean Croise

PA'JARIANG 15:2

Mingka nakanamo Abram, “O Batara Kaminang Tinggia, tena naKisarea' ana'. Tau langgappayai barang-barangku poro Eliezer bawang, iamintu atangku battua ri Damsyik. Jari apa matu-matunna anjo pahalaya mae ri nakke?”

PA'JARIANG 43:19

Lanri kammana, ri wattunna nia' ke'nanga ri ampi' pakke'bu' balla'na Yusuf, akkuta'nammi ke'nanga ri kapala ruma tanggaya,

1 PATTOTTORANG 28:1

Naparentakangi Daud sollanna a'rappungang ngaseng sikontu pamimping Israel ri Yerusalem. Jari sikamma kapala sukua, pajaba' ri urusang pamarentahanga, kapala-kapala pa'rappungang bijaya, sikamma pajagana barang-baranna siagang olo'-olo'na siagang ana'-ana' bura'nena karaenga – bodona kana sikamma tumalompoa ri balla'na karaenga, komandang tantaraya siagang tunipakalompoa, yangasenna a'rappungangi ri Yerusalem.

PANGNGEBARANG 18:9

Tau tenaya najampangi tugasa'na sangkammai kodina siagang tau nangaia ammanraki.

HOSEA 2:8

Amma'nu tenamo naania' angkanaya iNakke assarei gandung, anggoro', minynya' zaitun, siagang sikontu bulaeng na pera' niaka napake untu' anynyomba ri anjo Rewata Baal.

MATIUS 20:8

Ri karueng dudunamo, nakanamo anjo patanna koko ri mandoro' pajama-jamana, ‘Kio' ngasemmi anjo tau anjamaya. Massing bayara'mi gajina appakkaramula battu ri anjo kala'busang dudua antama' anjama sa'genna tau ri dallekang dudua antama'.’

LUKAS 12:42

Appialimi Isa Nakana, “Inai palayang tuli baji' siagang cara'de' sa'genna niangka' ri karaenna a'jari kapala mae ri palayang-palayang maraenga, sollanna nasare kanre ke'nanga punna narapi' wattunna?

LUKAS 15:13

Siapa are allo ribokoanganna, nabalukammi tawana anjo ana' bungkoa, nampa a'lampa mange ri se'reang pa'rasangang bella. Anjoreng ri pa'rasanganga napa'laboammi anjo doe'na nampa assannang-sannang.

LUKAS 15:30

Anjo anatta le'ba'mi napa'la'bu'-la'busu' barang-baranta siagang bai'-baine a'gau' salaya. Mingka sikalinna ammotere', ba'lalo kipammolongangi sapi rungka siagang co'moka!’

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

LUKAS 16:2

Jari nasuro kio'mi anjo pagawena ammolika doe' na nakana, ‘Apa kutadeng nugaukangangi barang-barangku? Kamma-kamma anne kukellaiko ampakasingarianga' baji'-baji' antekamma lampa-lampana batenu angngurusuki pa'barang-barangangku. Tenamo kukellaiko amboliki doekku.’

LUKAS 19:20

Le'baki anjo battu tommi palayang maraenga pole, na nakana, ‘O, karaeng, anne doetta; kuboliki lalang ri passapungku.

LUKAS 8:3

Yohana, bainenna Khuza, pagawe balla' lompona Herodes; Susana, siagang jai pole bai'-baine maraeng. Ongkoso' kalenna napake ke'nanga ambantui Isa siagang ana'-ana' gurunNa.

TITUS 1:7

Nasaba' anjo pamimping jama'aka, iami angngurusuki jama-jamanga untu' Allata'ala; jari takkulleai nia' callanna. Takkulleai tampo yareka pa'larroang, yareka painung sa'genna nangai nasa'ring, yareka nangai assiba'jia, yareka mangngoai ri doe'.

YAKOBUS 4:3

Siagang manna pole le'ba' mako appala', mingka tena nunggappa, lanri salai pattujunnu; anjo apa nupalaka sangnging untu' kasannangang kalennu bawang.

1 PETRUS 4:10

Massing annarima ngaseng mako passare pakkulle battu ri Allata'ala; anjo passarea tena nasangkamma-kamma. Lanri kammana, urusu' bajiki anjo passareNa Allata'ala; parallui massing nupake anjo pakkullea untu' kaparalluang nupa'juluia ngaseng.