LUKAS 15:8 - KITTA' MATANGKASA'

⁸ “Yareka, ebara' angkana nia' sitau baine ammallaki sampulo doe' pera', natappela' se're – maka apa lanagaukang? Mattantu lapparinrai lampu nampa nabarrasa' balla'na siagang naboya sa'genna nagappa anjo doeka.

LUKAS 15:8 Iomraidhean Croise

YEHEZKIEL 34:12

sangkamma sitau pakalawaki amboyai siagang ampa'rappungi sikamma gimbala'na tassiaraka nampa naparakai ke'nanga. LaKuerangi ke'nanga ammotere' battu ri sikontu tampa'na tassiara' ri anjo allo sassanga siagang battuna balaya.

MATIUS 5:15

Tenanniakka tau apparinra lampu nampa natongko' katoang. Passangalinna naboliki irate ri pa'dongkokanna, sollanna nasingari ngasengi tau niaka lalang balla'.

LUKAS 15:7

Jari kammatommi anjo ri suruga; punna nia' se're tau toba' lania' karannuang lompoangang, kala salapampulo assalapang tau bajikamo, tenayamo naparallu toba'.”

LUKAS 15:9

Na ri wattunna nabuntulu'mo ammotere' anjo doeka, nakio'mi agang-aganna siagang sambori'na ngaseng, nampa nakana, ‘Sanna' rannuna nyawaku kakugappami ammotere' doekku tappelaka. Umba nakiassua'-suara'!’

LUKAS 19:10

Nasaba' battui Ana' Ma'rupataua untu' amboyai siagang ampasalamaki tau sala oloanga.”

YOHANES 10:16

Nia' ija gimbala' maraeng, iNakke todong pata, mingka tantamayapi ri pa'rappunganna anne gimbalaka. Musti Kuerang tongi ke'nanga battu na lanapilangngeri todong sa'rangKu. La'jari sipa'rappungang ngasengi ke'nanga na se're pakalawaki napa'jului.

YOHANES 11:52

Siagang teai untu' bansa Yahudi bawang, passangalinna sollanna napa'rappungang siagang napasse're ana'-ana'Na Allata'ala tassia'-siaraka.

LAMPA-LAMPANA 19:19

Na sikamma tau biasaya ammake baca-baca, massing napa'rappungammi sura' jima'-jima'na ke'nanga nampa natunu ri dallekanna tau jaia. Punna nipasse're ballinna anjo sura'-sura' nitunua, nia' kira-kira limampulo sa'bu doe' pera' jaina.

EFESUS 2:17

Iaminjo saba'na Nabattu Almasi ambirittakangi Kabara' Bajika, iamintu passala'na anjo passiamakkanga, mae ri kau ngaseng; baji' na mae ri kau bansa maraenga, bellaya battu ri Allata'ala, kammayatompa na mae ri kau bansa Yahudia, a'reppeseka ri Allata'ala.