LUKAS 15:7 - KITTA' MATANGKASA'

⁷ Jari kammatommi anjo ri suruga; punna nia' se're tau toba' lania' karannuang lompoangang, kala salapampulo assalapang tau bajikamo, tenayamo naparallu toba'.”

LUKAS 15:7 Iomraidhean Croise

PANGNGEBARANG 30:12

Nia' tau nakanai kalenna tangkasa' na sitojenna sanna' rantasa'na.

MATIUS 18:13

Tappa' mako angkanaya, punna nabuntulu'mo ammotere' anjo sapinna sikayua, lalompoangangi rannuna ri anjo sapi sikayua kala ri anjo sapi salapampuloa assalapang kayunna, tenaya natappela'.

MATIUS 3:8

Pappicinikammi rolong lalang ri panggaukannu, sollanna ma'nassamo angkanaya toba' tojeng mako battu ri gau' dosa-dosanu.

LUKAS 15:10

Kamma tomminjo rannuna malaeka'Na Allata'ala, punna nia' se're tau ja'dala' a'jari toba' battu ri dosa-dosana. Patappa'mi anne!”

LUKAS 15:29

Mingka nakanamo anjo anaka, ‘Attaung-taummi salloku akkareso ampanjamangki'. Tena le'bakai takugaukang apa kipassuroanga ri nakke. Na apa le'ba' kipassareang mae ri nakke? Manna sikayu bembe tale'baka' kisare lakupake assua'-suara' siagang agang-agangku!

LUKAS 15:32

Mingka siratangki' assua'-suara' siagang a'rannu-rannu, lanri le'ba'mi mate anjo andi'nu, mingka kamma-kamma anne attallasa' poleangi; le'baki tappela', mingka kamma-kamma anne nibuntulu' poleammi.’ ”

LUKAS 15:6

nampa naerang ammotere'. Nampa nakio' ngaseng agang-aganna siagang sambori'na ngaseng, na nakana, ‘Umba nakiassua'-suara', nasaba' kugappami ammotere' gimbalakku tappelaka!’

LUKAS 15:8

“Yareka, ebara' angkana nia' sitau baine ammallaki sampulo doe' pera', natappela' se're – maka apa lanagaukang? Mattantu lapparinrai lampu nampa nabarrasa' balla'na siagang naboya sa'genna nagappa anjo doeka.

LUKAS 16:15

Mingka Nakanamo Isa ri ke'nanga, “Ikau ngaseng mintu bajika ngaseng nicini' ri dallekanna tau maraenga, mingka Naassengi Allata'ala bonena atinnu. Nasaba' apa nacini' tinggia rupataua iami Nacini' tuna Allata'ala.

LUKAS 5:32

Teai tau nakanaya kalenna annaba battu ero' Kukio', passangalinna tau dorakaya, sollanna toba' ke'nanga battu ri dosa-dosana.”

ROMA 7:9

Riolo tena nakuassengi anjo hukkung-hukkung agamaya ilalang tallasakku. Mingka ri wattunna ammumbamo anjo hukkung-hukkung agamaya, appakkaramulami attallasa' dosaya, nakumatemo inakke.