LUKAS 15:4 - KITTA' MATANGKASA'

⁴ “Ebara' angkana nia' kalase'rennu ammallaki sibilangngang kayunna gimbala', nampa tappela' sikayu – maka apa lanagaukang? Mattantu lanabokoi anjo gimbala'na salapampuloa assalapang kayunna ri paranga, nampa a'lampa amboyai anjo gimbala' tappelaka, sa'genna nagappa.

LUKAS 15:4 Iomraidhean Croise

PAMMUJI 119:176

Sala oloanga' sanrapang gimbala' tappelaka, jari battu maKi', na Kiboya anne atanTa, saba' tena kubalang parekangi sikamma parentaTa.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

YEREMIA 33:13

Ri kota-kota ri daera monconga, ri bangkeng buluka, daera Yehuda bageang timboro', siagang ri daerana Benyamin, ri desa-desa niaka ri tammulilina Yerusalem, kammayatompa ri kota-kota Yehuda, lanabilangi ammotere' gimbala'na sikamma pakalawakia. INakke, Batara, anne akkana.”

YEREMIA 50:6

UmmakKu rapangi gimbala' le'baka nilappassang lingu ri monconga ri pakalawakinna. Pitilampa-lampaimi ke'nanga battu ri moncong se'rea mange ri moncong maraenga siagang tanaassengami angkana kemae balla'na ke'nanga.

YEHEZKIEL 34:16

Ia tappelaka laKuboyai, ia lingua laKuerangi ammotere', ia lokoka laKurokoki loko'na, ia garringa Kuballei; mingka co'moka siagang gassinga laKupanraki, lanri iNakke pakalawaki anggaukangi apa bajika.

YEHEZKIEL 34:31

Tojeng, ikaumi pa'rappungang gimbalakKu Kusarea kanre. Ikaumi ummakKu, siagang iNakkemi Allata'alanu. INakke, Karaeng Allata'ala Kaminang Tinggia, anne akkana.”

YEHEZKIEL 34:4

Gimbala'nu dodonga tena nuparakai, ia garringa tena nuballei, ia bokkaka tena nurokoki loko'na, ia sala oloanga siagang tappelaka tena nuboyai nampa nuerang ammotere'. Ba'lalo sikamma anjo gimbalaka nukapallakki.

YEHEZKIEL 34:8

Lanri iNakke, Allata'ala mattallasaka, parhatikangi! Nikokkoki siagang nikanrei sikamma gimbalakku ri olo'-olo' sekkeka, lanri tena angkalawaki ke'nanga. Ikau sikamma pakalawakingKu tena nanujampangi anjo sikamma gimbalaka. Poro kaparalluang kalennu bawang nunawa-nawa, teai kaparalluanna sikamma gimbala'nu.

MATIUS 12:11

Appialimi Isa nakana, “Ebara' angkana nia' ri kau ammallaki sikayu gimbala', nampa tu'guru' anjo gimbala'na naung ri kali'bong lantanga ri allo Pammari-marianga, maka taerokako ampanaiki anjo gimbalaka battu ri kali'bonga lanri kaallo Pammari-mariangi?

LUKAS 13:15

Appialimi Isa Nakana, “Munape' ngasengko antu! Ri allo Pammari-marianga nalappassang ngasengi taua sapina yareka jaranna battu ri barana, nampa naerang assulu' untu' nasare je'ne' inung.

LUKAS 15:3

Lanri kammana anjo Nacaritami Isa ri ke'nanga anne pangngebaranga, Nakana,

LUKAS 19:10

Nasaba' battui Ana' Ma'rupataua untu' amboyai siagang ampasalamaki tau sala oloanga.”

ROMA 2:1

Lanri kammana, sari'battangku ngaseng, inaiko kutadeng antu sa'gennu akkulle ampasalai tau maraenga? Tena sikali apa-apa ri kau untu' akkulle ampattojengi kalennu! Nasaba' punna nupasala parannu tau, padahala' kalennu anggaukangi anjo apa-apa nagaukanga ke'nanga, ikau tommi ampabattui hukkunganga mae ri kalennu.

1 PETRUS 2:25

Riolo sanrapangko gimbala' tappelaka, mingka kamma-kamma anne le'ba' mako nierang ammotere' untu' amminawang ri Pakalawakinnu siagang Pammarakainna nyawanu.