LUKAS 15:30 - KITTA' MATANGKASA'

³⁰ Anjo anatta le'ba'mi napa'la'bu'-la'busu' barang-baranta siagang bai'-baine a'gau' salaya. Mingka sikalinna ammotere', ba'lalo kipammolongangi sapi rungka siagang co'moka!’

LUKAS 15:30 Iomraidhean Croise

KALAPPASSANG 32:11

Napala'mi Musa mae ri Karaeng Allata'alana, nakana, “O, Batara, angngapa namusti kamma anjo Kigaukang mae ri ke'nanga? Sai iKatte ampasalamaki ke'nanga battu ri Mesir siagang kakoasanTa na kagassingang lompoTa?

KALAPPASSANG 32:7

Jari Nakanamo Batara ri Musa, “Naungko linta', saba' anjo bansa nupimpinga assulu' battu ri Mesir a'gau' ja'dala'mi.

PANGNGEBARANG 29:3

Inai angngai kacara'dekanga, napakasannangi pa'mai'na manggena. Inai sileporang siagang baine salaya, napa'laboangi doe'na.

MARKUS 12:44

Nasaba' anjo ke'nanga palla'bi-la'biannaji battu ri pa'barang-baranganna napassareang. Mingka anjo jandaya, manna nakasi-asi, mingka napassareang ngasemmi apa-apa niaka ri ia, sannaka naparalluina untu' katallassanna.”

LUKAS 15:29

Mingka nakanamo anjo anaka, ‘Attaung-taummi salloku akkareso ampanjamangki'. Tena le'bakai takugaukang apa kipassuroanga ri nakke. Na apa le'ba' kipassareang mae ri nakke? Manna sikayu bembe tale'baka' kisare lakupake assua'-suara' siagang agang-agangku!

LUKAS 15:31

Appialimi manggena nakana, ‘O, ana', ikau tuli nia'nu anrinni siagang inakke. Sikontu barang-barangku a'jari barang-barannu ngaseng tommi.

LUKAS 15:32

Mingka siratangki' assua'-suara' siagang a'rannu-rannu, lanri le'ba'mi mate anjo andi'nu, mingka kamma-kamma anne attallasa' poleangi; le'baki tappela', mingka kamma-kamma anne nibuntulu' poleammi.’ ”

LUKAS 18:11

Anjo tu Farisia akkale-kalemi ammenteng nampa appala' doang lalang ri atinna nakana, ‘O, Allata'ala, appala' sukkurukka' mae ri Katte, lanri tena kusangkamma tau maraenga; tena kusangkamma tau angngoaya, tau jekkonga, yareka tau a'gau' bawanga. Appala' sukkurukka', lanri tena kusangkamma anjo pasingara' simaya.