LUKAS 15:28 - KITTA' MATANGKASA'

²⁸ Teaimi sipato' larrona anjo ana' bungasaka. Na taerokamo antama' ri ballaka. Jari assulu'mi manggena anynyonyoki nakio' antama' ri balla'.

LUKAS 15:28 Iomraidhean Croise

YESAYA 65:5

Nakana ke'nanga, ‘Bellako, teako seroi ikambe, saba' ikambe anne tangkasakki' siagang tassa'lakki' battu ri kau ngaseng!’ Tena Kuparrangngi anciniki panggaukanna ke'nanga! A'rinrai larroKu mae ri ke'nanga rapang pepe' tenaya nakkulle mate.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YEREMIA 35:16

Jari-jarina Yonadab mannuruki ri parentana boe-boena ke'nanga, mingka ikau taerokako mannuruki ri Nakke.

YUNUS 4:9

Mingka Nakana Allata'ala ri ia, “Tena nusiratang si'na kamma anjo passabakkang anjo lamung-lamunga!” Appialimi Yunus angkana, “Angngapa natena? Siratanga' larro sikali sa'gengku mate.”

MATIUS 20:11

Natarimana doeka ke'nanga, a'moro-moromi ke'nanga ri anjo patannaya koko.

MARKUS 1:40

Nia' sitau tau garring sala battu mae ri Isa. Akkulantu'mi anjo taua na nakana, “Punna Kikaerokangi Bapa', akkulleKi' amballeia' ku'jari baji'.”

LUKAS 13:34

O, tuniaka ri Yerusalem, tuniaka ri Yerusalem! Nubunomi na'bi-na'bia! Nusambilami batu sa'genna mate sikamma tu Nasuroa Allata'ala! Pissiapa are mako ero' Kukalimbuki, sanrapang anrong janganga angkalimbuki ana'-ana'na irawanganna ka'nyi'na, mingka taeroka ngasengko!

LUKAS 15:2

A'moro-moromi tu Farisia siagang guru-guru agamaya. Nakanamo ke'nanga, “Pui', anne taua natarimai siagang naagangi sipangnganreang tau kodi sipaka!”

LUKAS 15:27

Appialimi anjo palayanga nakana, ‘Niaki ammotere' anditta. Le'ba'mi assurommolong sapi rungka co'mo' manggeta, lanri nagappami ammotere' ana'na siagang salama'!’

LUKAS 15:29

Mingka nakanamo anjo anaka, ‘Attaung-taummi salloku akkareso ampanjamangki'. Tena le'bakai takugaukang apa kipassuroanga ri nakke. Na apa le'ba' kipassareang mae ri nakke? Manna sikayu bembe tale'baka' kisare lakupake assua'-suara' siagang agang-agangku!

LUKAS 24:47

Kammayatompa, lalang arenNa anjo Karaeng Mappasalamaka, musti nibirittakangi mae ri sikontu bansaya angkanaya musti tobaki sikontu rupataua, kammayatompa Napammopporangi Allata'ala dosa-dosaya. Na anjo birittaya, musti nipabattui appakkaramula battu ri Yerusalem.

LUKAS 5:30

Nia'mo siapa are tu Farisi siagang guru-guru agama tena nasannang nyawana anciniki ke'nanga. Nakanamo ke'nanga ri ana'-ana' gurunNa Isa, “Angngapa nusipangnganreang siagang sipangnginungang ngaseng siagang pasingara' simaya kammayatompa tau kodi sipaka?”

LUKAS 7:39

Nacini'na anjo tu Farisi patannaya balla' appakamma anjo bainea, nakanamo lalang ri nyawana, “Punna na'bi anne Taua, tantu Naassengi angkanaya baine apa anjo baine anjamayai; tantu Naassengi angkanaya anjo bainea, baine sanna' jaina dosana!”

LAMPA-LAMPANA 13:45

Ri wattunna nacini' tu Yahudia anjo tau jaia, sanna'mi akkimburuna lalang atinna ke'nanga. Nahinami Paulus, siagang nageakki ngasemmi anjo apa napabattua.

LAMPA-LAMPANA 13:50

Mingka nikompa-kompa salami ri tu Yahudia sikamma tumalompoa siagang bai'-baine tumalompoa ri anjo kotaya, ia tu mallakamo ri Allata'ala. Napasimusumi ke'nanga siagang Paulus na Barnabas. Sa'genna nibongkamo Paulus siagang Barnabas battu ri anjo daeraya.

LAMPA-LAMPANA 14:19

Nia'mo siapa are tu Yahudi battu ri Antiokhia ri daera Pisidia siagang battu ri Ikonium mange ri Listra. Napangaruimi tau jaia sa'genna ammenteng mae ri ke'nanga tau jaia. Nasambilami ke'nanga batu Paulus nampa nare'resang assulu' ri pantarangang kota. Nakapangi ke'nanga angkana matemi Paulus.

LAMPA-LAMPANA 14:2

Mingka tu Yahudi tenaya naero' tappa' nakompa-kompa salami bansa maraenga, sa'genna birisi'mo ke'nanga mae ri tu tappaka ri Isa.

ROMA 10:19

Erokka' akkuta'nang pole: Maka tanaassengapi bansa Israelka anjo birittaya? Boli'mi kamma na Musa rolong ampiali anne pakkuta'nanga. Nakana Musa, “Kammaminne kananNa Allata'ala, ‘LaKupa'jari akkimburuko mae ri se'rea bansa tenaya naUmma'Na Allata'ala siagang laKupa'jari larroko mae ri se'rea bansa dongo'.’ ”

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

1 TESALONIKA 2:16

Ba'lalo nahalang-halangimi ikambe untu' ambirittakangi mae ri bansa-bansa maraenga anjo biritta akkullea ampasalamaki ke'nanga. Lanri kammana, anjo tu Yahudia pila' tuli natambaimi dosa-dosana, sa'genna a'jari sukku'mo jaina dosana ke'nanga. Nakala'busanna, kamma-kamma anne nitujumi ke'nanga ri pangngalarroiNa Allata'ala.

1 SAMUEL 17:28

Eliab daenna Daud toaya nalangngereki Daud a'bicara siagang anjo taua. Sanna'mi larrona mae ri Daud na nakana, “Angngapa nubattu mae anrinni? Inaimi nusuro angngurusuki sikamma gimbalaka anjo pirang kayua ri paranga? Kuassengi, angkana ero' nikanako barani. Battuko mae kaero'nuji bawang anciniki pa'bundukanga!”

1 SAMUEL 18:8

Nalangngere'na Saul anjo, a'jari sanna'mi larrona. Nasaba' napikkiriki angkanaya, “Daud nikanami le'ba' ammuno appulo-pulo sa'bu, nampa inakke poro assa'bu-sa'buji bawang. Tantu tenamo nasallo nanipa'jarimo karaeng ri ke'nanga!”