LUKAS 15:22 - KITTA' MATANGKASA'

²² Mingka nakio'mi manggena sikamma palayanna na nakana, ‘Lintakko! Angngalleko pakeang kaminang ga'gaya, nanupipakeangi. Pipakei cincing karemenna, siagang pipakei sapatuna.

LUKAS 15:22 Iomraidhean Croise

ESTER 3:10

Nalangngereki karaenga anjo, nabi'bu'mi cincinna battu ri karemenna, ia napake untu' ansitempeleki sikamma sura' nipa'la'bang assaya, nampa napassareang mae ri Haman. Anjo Haman, iami musu lompona tu Yahudia.

ESTER 8:2

Napasulu'mi cincinna karaenga, ia le'baka naalle ammotere' battu ri Haman, nampa napassareang mae ri Mordekhai. Nampa niangka'mo Mordekhai ri Ester untu' a'jari tukoasa ri pa'barang-barangngang battua ri Haman.

PAMMUJI 132:16

Imang-imanna ampappicinikangi kasalamakkang battua ri Nakke; lakkelongi umma'na siagang akkio' rannu.

PAMMUJI 132:9

Poro akkio' rannu ummatTa, na sikontu imanTa tuli naturuki erotTa lalang tallasa'na.

PAMMUJI 18:33

Iaji Allata'ala akkulle ampakajarreka' siagang ampa'jari amangi oloangku.

PAMMUJI 45:13

Pandudu'na Tirus angngerangi passare mae ri kau; tu kalumanynyanga ero'mi naboya pa'mai'nu.

KELONG MALA'BIRI' 7:1

O, tulolo mala'birika, ga'gana bangkennu ampakei anjo sandalaka. Bundala'na bonggannu rapangi belo-belo nipareka ri sitaua panre.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

LUKAS 15:21

Nakanamo anjo anaka, ‘O Bapa', dorakama' mae ri Allata'ala siagang mae ri katte. Tenamo kusiratang nikana anatta.’

LUKAS 15:23

Punna le'ba' angngalle mako sapi rungka siagang co'moka nampa nupolong. Langnganre-nganreki' siagang la'rannu-rannuki'.

ROMA 13:14

Boli'mi kamma na Batara Isa Almasi ampattantui apa siratanga nugaukang. Siagang teako mannuruki ri sipa'-sipa'na tau dorakaya sollanna nupasukku' nakacinnaia hawa napasunu.

ROMA 3:22

angkanaya, iaji naNasare Allata'ala oloang rupataua assibajiki siagang Allata'ala, punna tappa' taua mae ri Isa Almasi. Anne Nagaukangi Allata'ala untu' sikontu tau tappaka mae ri Almasi; nasaba' tena simmaraenna rupataua:

ROMA 8:15

Nasaba' anjo Roh Napassareanga Allata'ala mae ri kau ngaseng, tena Napa'jari atako sa'gennu a'jari malla' lalang ri katallassannu. Passangalinna anjo RohNa Allata'ala ampa'jariko ana'-ana'Na Allata'ala. Siagang lanri koasaNa anjo RohNa Allata'ala akkulle maki' angkana ri Ia, “Manggeku, Manggeku!”

GALATIA 3:27

Le'ba' ngaseng mako nije'ne' lalang arenNa Almasi; jari nutarimami mae ri kalennu sipa'-sipa' KalenNa Almasi.

EFESUS 6:15

Paralluko tuli rella ambirittakangi Kabara' Bajika, angngeranga kasalewangang; pakemi anjo a'jari sanrapang pa'lapa' bangkennu.

PAOLE 33:25

Nila'langngi pakke'bu' lompo tambaga siagang bassi kota-kotana sollanna tuli salewangang tojeng-tojeng lalang tallasa'na.”

PAPPICINI' 19:8

Nipassareammi mae ri Ia kaeng lenang accillaka untu' Napake.” (Anjo pakeang lenanga iamintu panggaukang-panggaukang baji' nagaukang Umma'Na Allata'ala.)

PAPPICINI' 2:17

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei kanre taccokkoa; siagang massing lanatarimai battu ri Nakke se're batu kebo'. Lalang ri anjo batua nia' tattulisi' areng beru, tenaya naassengi rupataua, pantaranganna tau antarimayai.”

PAPPICINI' 3:18

Lanri kammanami anjo naKupakaingakko sollannu ammalli ngaseng battu ri Nakke bulaeng, iamintu bulaeng ti'no', sollannu a'jari kalumanynyang. Ammalli todong mako battu ri Nakke pakeang kebo' sollannu akkulle ammakeang siagang nutongko' kalennu natena nussolara' siagang natena nuppakasiri'. Siagang ammalli todong mako pa'balle untu' nupasapu mae ri matannu, sollannu akkulle accini'.

PAPPICINI' 6:11

Nampa massing nisare ke'nanga silawara' juba kebo'. Le'baki anjo nisuromi ke'nanga ammari-mari sinampe', sa'genna angganna'mo jaina sikamma julu sipanjama-jamanna ke'nanga siagang sikamma sari'battanna ke'nanga, lanibunoa todong sangkamma ke'nanga.

PAPPICINI' 7:9

Le'baki anjo kucinikimi pole, na nia'mo kucini' tamparang tau, sannaka jaina tau bonena; tena manna sitau akkulle anrekengi jaina! Ia ke'nanga tau battu ri massing-massing bansa, suku, pa'rasangang, siagang bahasa. Ammenteng ngasengi anjo tau jaia andallekang mae ri empoang kala'biranga siagang andallekang mae ri anjo Ana' Gimbalaka; ammakeang juba kebo' ngasengi ke'nanga siagang massing anna'galaki leko'-leko' kaluku lolo.