LUKAS 15:13 - KITTA' MATANGKASA'

¹³ Siapa are allo ribokoanganna, nabalukammi tawana anjo ana' bungkoa, nampa a'lampa mange ri se'reang pa'rasangang bella. Anjoreng ri pa'rasanganga napa'laboammi anjo doe'na nampa assannang-sannang.

LUKAS 15:13 Iomraidhean Croise

PAMMUJI 73:27

Lacilakai tau ambokoiaKi' Kiballassi tau tenaya majarre' mae ri Katte.

PANGNGEBARANG 18:9

Tau tenaya najampangi tugasa'na sangkammai kodina siagang tau nangaia ammanraki.

PANGNGEBARANG 21:17

Tau nangaia assannang-sannang latuli kakurangangi; tau nangaia a'labo-labo takkulleai a'jari kalumanynyang.

PANGNGEBARANG 21:20

Tau cara'deka tuli kala'biangi siagang kalumanynyangi mingka tau toloa napa'laboangi barang-baranna.

PANGNGEBARANG 27:8

Tau ambokoiyai balla'na, sanrapang jangang-jangang ambokoi ru'munna.

PANGNGEBARANG 28:7

Turungka mannurukia ri hukkung, iami tu cara'de'. Mingka tau sileporanga tau pa'laboanga napakasiriki manggena.

PANGNGEBARANG 29:3

Inai angngai kacara'dekanga, napakasannangi pa'mai'na manggena. Inai sileporang siagang baine salaya, napa'laboangi doe'na.

PANGNGEBARANG 6:26

Anjo baine salaya akkullei nisewa sanrapang kanre sipannea anggaranna, mingka nikanaya a'gau' sala siagang bainenna tau maraenga musti nibayaraki siagang nyawa.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YESAYA 22:13

Mingka kabalekanna, ikau assannang-sannang jako siagang assua'-suara' jako. Ammolongko sapi siagang gimbala', angnganre dageng siagang angnginung je'ne' anggoro' nampa akkio' angkana, “Umba ningnganre siagang angnginung, saba' ammuko lamate maki'!”

YESAYA 30:11

A'liliko siagang oloang maraeng nuolo. Teako ganggui ikambe siagang Allata'ala matangkasa'na Israel.”

YESAYA 56:12

Sikamma painunga anjo nakana, ‘Umba kingnginung anggoro' sa'genna sukku' pakkasiatta. Ammukoa lala'bi bajikangngangi na anne alloa!’ ”

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

YEREMIA 2:31

He umma' Israel, pilangngeri anne kana-kanangKu. Maka le'bakKa' a'jari rapang parang lompo mae ri kau yareka rapang butta masassanga? Mingka angngapa nanukana erokko bebasa', siagang taeroka mako ammotere' mae ri Nakke?

YEREMIA 2:5

Nakana Batara, “Kasalang apa nacini' boe-boenu ri Nakke, sa'genna a'boko mae ri Nakke? Naondangi ke'nanga barhala tenaya anggaranna na kale'bakkanna kalenna tonji ke'nanga a'jari tuna.

MIKHA 6:3

Nakana Batara, “He ummakKu, apa le'ba' Kugaukang mae ri kau ngaseng? Ri passala' apa naKususaiko? PialiMa'!

LUKAS 15:12

Nakanamo ana'na bungkoa ri Ia, ‘O, Bapa', sareamma' nakke tawaku kamma-kamma anne battu ri pa'barang-baranganta.’ Jari nabagemi pa'barang-baranganna anjo taua mae ri anjo ruaya ana'na.

LUKAS 15:14

Na ri wattunna la'busu'mo doe'na, sitabang naalle tommi cipuru' lompo anjo pa'rasanganga. Sa'genna appakkaramulami a'jari susa tallasa'na anjo anaka.

LUKAS 15:30

Anjo anatta le'ba'mi napa'la'bu'-la'busu' barang-baranta siagang bai'-baine a'gau' salaya. Mingka sikalinna ammotere', ba'lalo kipammolongangi sapi rungka siagang co'moka!’

LUKAS 16:1

Nakana Isa ri ana'-ana' gurunNa, “Nia' se're tau kalumanynyang. Na nia' sitau pagawena nasarea ammolika doe' siagang angngurusukai pa'barang-baranganna. Nia'mo tau ampabattuangi angkanaya nipa'laboangi doe'na ri anjo pagawe ambolikai doe'na.

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

EFESUS 2:13

Mingka kamma-kamma anne asse're mako siagang Isa Almasi. Riolo bellako, mingka kamma-kamma anne nipa'reppese' mako, lanri kamateanNa Almasi.

EFESUS 2:17

Iaminjo saba'na Nabattu Almasi ambirittakangi Kabara' Bajika, iamintu passala'na anjo passiamakkanga, mae ri kau ngaseng; baji' na mae ri kau bansa maraenga, bellaya battu ri Allata'ala, kammayatompa na mae ri kau bansa Yahudia, a'reppeseka ri Allata'ala.

2 PETRUS 2:13

Lanakasiaki ke'nanga kasessanga, a'jari pa'balasa' mae ri kasessang le'baka napare' ke'nanga. Ia nangaia ke'nanga iamintu tena masala nagaukang ri wattu singara'na alloa, sollanna napassukku' apa nakacinnanga tubuna ke'nanga. Punna simammempoangko siagang ke'nanga ri wattu pangnganre-nganreanga, sanna' appakaringi'na panggaukanna ke'nanga lanri nibengona ri hawa napasuna ke'nanga.