LUKAS 15:1 - KITTA' MATANGKASA'

¹ Ri se'reang allo, jai pasingara' sima siagang tau nicini' kodi sipaka ri tau jaia, battu ampilangngeri Isa angngajara'.

LUKAS 15:1 Iomraidhean Croise

YEHEZKIEL 18:27

Mingka punna nia' tau ja'dala' nampa tenamo na'gau' ja'dala' pole passangalinna appakkaramulami nagaukang panggaukang bajika siagang annabaya, lasalamaki nyawana.

MATIUS 5:46

Nasaba' punna iaji bawang tau angkamaseangako nukamaseang, apa paralluna Nabalasa' Allata'ala anjo panggaukannu? Sai manna parentea angngasseng tonji anggaukangi kammaya anjo?

LUKAS 13:30

Sikontutojenna, nia' tau ri boko dudu la'jari ri dallekang dudu, na nia' tau ri dallekang dudu la'jari ri boko dudu.”

LUKAS 7:29

Sikontu taua – kammayatompa pasingara' simaya – allangngereki Isa akkana kamma anjo; yangaseng minjo ke'nanga angkatutui apa-apa Natuntuka Allata'ala, naero' nasuro je'ne' kalenna ri Yohanes.

ROMA 5:20

KalenNa Allata'ala ampassareangi hukkung-hukkung agama Yahudia. Mingka pila' usahai rupataua anggaukangi anjo hukkung-hukkunga, pila' nadakkaimi anjo hukkung-hukkunga siagang pila' dorakami mae ri Allata'ala. Mingka pila' a'gau' dosana rupataua, pila' nikamaseang tommi ke'nanga ri Allata'ala.

1 TIMOTIUS 1:15

Kontu tojengi anne bicaraya; jari siratangi nitarima siagang nipatappa' tojeng-tojeng, angkanaya: “Battui Isa Almasi antama' ri anne linoa untu' ampasalamaki tau dorakaya.” Na inakkemi anne tau doraka kaminang ja'dalaka.