LUKAS 14:12 - KITTA' MATANGKASA'

¹² Nampa Nakana Isa ri patanna balla', “Punna angngundangko tau battu angnganre allo yareka angnganre bangngi, teako naagannu yareka sari'battannu akkalumanynyanga, yareka bijannu, yareka sambori'nu akkalumanynyanga nuundang. Gassingka lanaundang tongko, sa'genna nutarimami pa'balasa'na undangannu.

LUKAS 14:12 Iomraidhean Croise

PANGNGEBARANG 14:20

Tau kasi-asia tena ningai ba'lalo ri bela-belana; mingka tau kalumanynyanga jai sahaba'na.

PANGNGEBARANG 22:16

Inai ero' a'jari kalumanynyang na najallakkang tu kasi-asia na nasare hadia tau nia'-niaka kale'bakkanna lasurokaui.

MATIUS 5:46

Nasaba' punna iaji bawang tau angkamaseangako nukamaseang, apa paralluna Nabalasa' Allata'ala anjo panggaukannu? Sai manna parentea angngasseng tonji anggaukangi kammaya anjo?

LUKAS 1:53

Nabassori inai cipuru', battu ri kabajikanNa naNabongka tu kalumanynyang a'lampa tamangngeranga.

LUKAS 1:58

Nalangngere' ngasemmi sambori'na siagang bija-bijanna antekamma baji'na Batara mae ri Elisabet. Na rannu ngaseng tommo nyawana ke'nanga sangkamma Elisabet.

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

LUKAS 14:13

Jari punna langnganre-nganreko, undammi tu kasi-asia, tu sala-salanga, tu pesoka, siagang tu butaya.

2 KORINTUS 6:13

Jari boli'mi kamma naku'bicaramo mae ri kau sanrapang mae ri ana' kalengku. Kupalaki sollanna nusungke tommo atinnu mae ri kambe, sangkamma nasungkenamo atinna ikambe mae ri kau.