LUKAS 13:7 - KITTA' MATANGKASA'

⁷ Jari, nakanamo ri pajamana anjo kokoa, ‘Cinissai, tallung taumma' battu amboyai rapponna anne poko' araya, mingka manna sibatu tania' rapponna kubuntulu'. Ta'bammi anne poko' araya! Poro nala'bussina kanre battu lalanga ri buttaya!’

LUKAS 13:7 Iomraidhean Croise

KALAPPASSANG 32:10

Teako coba-cobai anghalangiA'. LarroA' ri ke'nanga siagang erokKa' angngancuruki ke'nanga. Mingka ikau siagang jari-jarinu laKupa'jari se're bansa malompo.”

DANIEL 4:14

Assa'ra lompomi angkana, ‘Ta'bangi anjo poko' kayua siagang polongi tangke-tangkenna, tu'gurangi leko'-leko'na siagang pasiaraki rapponna. Bongkai olo'-olo' niaka anra'ba irawanganna siagang jangang-jangang niaka a'ru'mung ri tangke-tangkenna.

KAIMANGNGANG 19:23

Punna antama' mako sallang ri pa'rasangang Kanaan nampa a'lamungko a'rupa-rupa rappo-rappoang anjoreng, lalanna tallun taung rioloangannaya musti nubilang harangi rappo-rapponna siagang takkulleai nukanre.

KAIMANGNGANG 25:21

Lalang ri taung makaannanga laNabarakkaki Batara buttaya sa'genna angganna' wassele'na untu' tallun taung.

MATIUS 7:19

Nasikamma poko' tenaya nabaji' rapponna lanita'bangi nampa nitunu.

LUKAS 13:8

Mingka appialimi anjo pajama kokoa nakana, ‘Lappassammi attallasa' pole sitaung, karaeng. Lakubingkungi butta ri tammulilina siagang lakusarei pupu'.

LUKAS 3:9

Sadiami pangkuluka untu' lanipake anta'bangi poko' kayua sa'genna ri aka'-aka'na. Sikamma poko' kayu tenaya na'rappo baji', lanita'bangi nampa nipela' antama' ri pepeka.”

YOHANES 15:2

Sikamma tangke-tangke niaka ri Nakke nata'rappoa, lanipelaki. Na sikamma tangke-tangke a'rappoa, lanitangkasi sollanna pila' jai rapponna.

YOHANES 15:6

Inai-nai tena natuli asse're siagang iNakke, lanipelaki sanrapang anjo tangkea, nampa a'jari kalotoro'. Anjo tangke-tangke kammaya lanipasse'rei, nampa nibuang antama' ri pepeka, nampa nitunu.