LUKAS 13:6 - KITTA' MATANGKASA'

⁶ Le'baki anjo, Nacarita tommi Isa anne pangngebaranga, Nakana, “Nia' se're tau, nia' poko' ara ri koko anggoro'na. Ri se'reang allo nanaboya rapponna anjo poko' araya, mingka tena manna sibatu nabuntulu' rapponna.

LUKAS 13:6 Iomraidhean Croise

YEREMIA 2:21

Kulamungko rapang poko' anggoro' Kupilea battu ri lamungang bajika. Mingka kamma-kamma anne amminra mako, a'jari lamung-lamung liara' siagang tenaya matu-matunna.

YEREMIA 8:13

Ero' duduA' ampasse'rei ummakKu rapang tau ampasse'reai wassele' buttana. Mingka, ummakKu rapangi poko' anggoro' siagang poko' ara tenaya rapponna, ba'lalo manna leko'na kalumeng ngasemmi. Iaminjo saba'na naKukellaimo bansa maraenga battu siagang nakoasai pa'rasanganna ke'nanga. INakke, Batara, anne akkana.”

LUKAS 13:5

Tena sikali! Sikalipi pole Kupauangko angkanaya: Punna tena nutoba' battu ri dosa-dosanu, lamate kamma ngaseng tongko anjo ke'nanga.”

LUKAS 3:9

Sadiami pangkuluka untu' lanipake anta'bangi poko' kayua sa'genna ri aka'-aka'na. Sikamma poko' kayu tenaya na'rappo baji', lanita'bangi nampa nipela' antama' ri pepeka.”

YOHANES 15:16

Teai ikau ngaseng ampileA'. Mingka iNakke ampile ngasengko, siagang assuro ngasengko a'lampa sollannu akkulle a'rappo jai – natalapanraka anjo rapponnu. Na apa-apa mamo nupala' lalang arengKu, laNasareko Manggea.

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

FILIPI 4:17

Mingka tena nakukana tuli erokkuji bawang annarima passare. Ia kukaerokia, iamintu: sollanna akkulle kucini' sikamma wassele' akkullea antambai kaupakkannu.

HAKING-HAKING 9:11

Mingka appialimi anjo poko' araya angkana, ‘Teaja'. Nasaba' punna a'jarima' karaennu, musti ammarima' assare wassele' rappo ara te'ne-te'nea'.’