LUKAS 13:33 - KITTA' MATANGKASA'

³³ Mingka manna nakamma, anne alloa, siagang ammuko yareka ammembara', laKupatulusu' tonji lampaKu. Nasaba' tena nabaji' na'bia nibuno ri pantaranganna Yerusalem.

LUKAS 13:33 Iomraidhean Croise

MATIUS 20:18

“Pilangngerimi! Anne kamma a'lampa maki' mange ri Yerusalem. Punna battuki' mange anjoreng, lanipassareammi Ana' Ma'rupataua mae ri imang-imang kapalaya siagang guru-guru agamaya. Lanihukkung matei,

MATIUS 21:11

Appialimi tau jaia niaka anrurungangi Isa angkana, “Na'bi Isa, battu ri Nazaret, ri Galilea.”

LUKAS 9:53

Mingka taerokami taua anjoreng ri kamponga antarimai Isa, nasaba' a'nassa sikalimi angkanaya a'lampa mangemi ri Yerusalem.

YOHANES 11:54

Lanri kammana, tenamo Napappicinikangi KalenNa Isa ri dallekanna tau jaia ri tangnga-tangngana tu Yahudia. Nabokoimi Yudea, nampa a'lampa mange ri kota niarenga Efraim, a'reppeseka ri parang lompoa. Ammantammi anjoreng siagang ana'-ana' gurunNa.

YOHANES 11:9

Nakanamo Isa, “Sai punna siallo nia' sampulo anrua jang sallona? Inai-nai a'jappa ri wattu singara'na alloa, tena nalatatto'ro, nasaba' naciniki cayana anne linoa.

YOHANES 12:35

Appialimi Isa Nakana, “Poro untu' sinampe'ji lania' anjo singaraka ri tangnga-tangnganu ngaseng. Jari a'jappa mako ilalang nia'na ija anjo singaraka, sollanna tena nanatujuko sassang. Inai-nai a'jappa lalang ri sassanga, tanaassengai angkana kemae lanaolo.

YOHANES 4:34

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

YOHANES 9:4

Ri singara'na ija musti nijama memammi jama-jamang nipassuroanga ri Nakke. Labattui bangngia sa'genna tenanniakka manna sitau akkulle anjama.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

LAMPA-LAMPANA 13:27

nasaba' tanapahangai tau ammantanga ri Yerusalem siagang pamimping-pamimpinna ke'nanga angkana Iaminjo Isa Karaeng Mappasalamaka. Tanapahangai ke'nanga pangngajaranna na'bi-na'bia, tuli nibacaya punna allo Pammari-mariang. Iaminjo saba'na nanabunoi ke'nanga Isa. Mingka lanri nagaukannamo anjo ke'nanga, na'jari a'rupamo apa le'baka nasero kana na'bi-na'bia riolo.