LUKAS 13:22 - KITTA' MATANGKASA'

²² Lalang a'jappaNa Isa mange ri Yerusalem, assengkami angngajara' ri kota-kotaya siagang kampong-kamponga.

LUKAS 13:22 Iomraidhean Croise

MATIUS 9:35

Kammaminjo pa'lampanna Isa akkuliling battu ri se'reang kota mange ri kota maraenga; battu ri se'reang kampong mange ri kampong maraenga. Angngajara'mi lalang ri sikamma balla' sambayanga, siagang Napabattumi Kabara' Kasalamakkanga, ri passala' antekamma bateNa ammarenta Allata'ala salaku Karaeng. Naballei ngasemmi tau garringa na'jari baji' ngasemmo. Na anjo tau garringa a'rupa-rupai garrinna siagang kasessanna. Kammayatompa tu sala-salanga nabajiki ngaseng tommi.

MARKUS 6:6

Lannasaki Isa lanri tenana natappa' ke'nanga ri Ia. Nampa a'lampa Isa mange angngajara' ri kampong niaka a'reppese' anjoreng.

LUKAS 13:23

Nia'mo tau akkuta'nang ri Ia angkana, “Pa', maka sike'de'ji tau lanipasalama'?” Appialimi Isa Nakana,

LUKAS 9:51

Ri wattunna tasalloamo naniangka' Isa nai' ri suruga apparurumi untu' la'lampa mange ri Yerusalem.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.