LUKAS 13:19 - KITTA' MATANGKASA'

¹⁹ Lakammaminne pangngebaranna: Nia' silisere' parekang lamungang sannaka ca'dina lisere'na naalle taua nampa nalamung ri kokonna. Nampa attimbo anjo lamunganga, a'jari poko' kayu lompo. Battumi jangang-janganga appare' ru'mung ri tangke-tangkenna.”

LUKAS 13:19 Iomraidhean Croise

KELONG MALA'BIRI' 4:12

Tanringku rapangi koko nikalli' tembo' koko nikalli' tembo', timbuseng je'ne' nitongko'.

KELONG MALA'BIRI' 4:16

Ambangungko, he anging battu waraka, battuko mae, he anging battu timboro'! Ammirikko ri kokongku, lappassammi a'rasa kabaukanna. Dasi-dasi nabattu tanringku mae ri kokonna, na nakanre rappo-rappo nyamanga.

KELONG MALA'BIRI' 6:2

Tanringku mangei ri kokonna, ri koko rampa-rampana untu' angkalawaki sikamma gimbala'na ri kokoa, nampa angngattili' bunga-bunga bakung.

KELONG MALA'BIRI' 8:13

He, tau ammantanga ri kokoa, eroki aganga allangngereki sa'rannu; pilangngeriamma' anjo sa'rannu!

YESAYA 53:1

Appiali anjo bansaya nakana, “Inai tappa' ri apa le'baka nalangngere' ikambe? Inai le'ba' nipa'nyatang koasaNa Batara?

YESAYA 53:10

Batara angkaerokangi sollanna nakasiaki passessaya, siagang napassareang kalenna untu' a'jari koro'bang pa'lu'lu'na dosaya. Na lala'bu umuru'na siagang naciniki turunganna tete ri kalenna na Napa'jari Batara apa Nakaerokia.

YESAYA 58:11

INakke tuli lampimpingko siagang lampakabassorokko ri butta kalotoroka; iNakke lanjagaiko sollannu tuli akkamale siagang kassa'. Larapangko koko anggannaka ri je'ne', rapang timbuseng je'ne' tenaya nale'ba' a'jari kalotoro'.

YESAYA 61:11

Rapang bine nipakioroka lattimboi a'jari lamung-lamung, kammaminjo Karaeng Allata'ala ampatimboi kasalamakkanga na sikontu bansaya lamammuji mae ri Ia.”

YESAYA 9:7

Napabattumi Batara hukkunganga mae ri kakaraenganna Israel.

YEREMIA 31:12

Labattui ke'nanga mange ri Bulu' Sion accaya nicini' rupanna, akkelong a'rannu-rannu lanri sikontu passareKu mae ri ke'nanga, iamintu gandung, minynya', anggoro', sapi siagang gimbala'. Rapang ke'nanga koko ga'ga gannaka ri je'ne, siagang tena kakurangang apa-apa.

YEHEZKIEL 31:6

Sangka' rupa jangang-jangang a'ru'mung ri tangkenna. Olo'-olo' liaraka ammana' irawa ri la'lanna. Sikontu bansa lompoa ri lino ammempo a'la'lang irawanganna.

DANIEL 4:12

Leko'-leko'na sanna' copponna, siagang teai sipato' roasa'na rapponna, akkullei angganna' nikanre ri bonena sikontu linoa. Olo'-olo' liaraka anra'bai irawa ri la'lanna kammayatompa jangang-janganga a'ru'mungi ri tangke-tangkenna. Na sikontu apa-apa attallasaka akkullei nakanre rapponna.

DANIEL 4:21

Leko'-leko'na coppongi siagang rapponna roasaki sa'genna angganna' untu' assarei kanre sikontu bonena linoa. Sikamma olo'-olo' liaraka anra'bai irawa ri la'lanna, siagang jangang-janganga a'ru'mungi ri tangke-tangkenna.

ZAKHARIA 2:11

Anjo wattua jai bansa labattu mae ri Batara untu' a'jari umma'Na. Ia lammantang ri tangnga-tangnganu, siagang lanuassengi angkanaya Batara assuroa' battu mae ri kau ngaseng.

MATIUS 17:20

Appialimi Isa Nakana, “Nasaba' kurang tappa' ngasengko. U'rangi! Punna nia' tappa'nu manna sillompoja lisere' kaminang ca'di dudua, akkulleko angkana mae ri anne buluka, ‘A'lettekko anrinni mange anjoreng!’ ma'nassa tena ta'lette'na anne buluka. Jari tena takkulle nugaukang punna tappakko! [

MARKUS 4:30

Akkuta'nammi pole Isa Nakana, “Punna ammarenta Allata'ala, apa akkulle nipasanrapangangi? Pangngebarang apa akkulle nipake ampakasingaraki?

LUKAS 17:6

Appialimi Batara Isa Nakana, “Punna nia' tappa'nu manna sillompoja lisere'na sawi-sawia, akkulleko angkana ri anjo poko' kayua, ‘Ta'bi'bukko na nuattimbo ri tamparanga,’ mattantu lanapilangngeri kanannu anjo poko' kayua.”

LAMPA-LAMPANA 2:41

Jaimi tau tappa' mae ri anjo napaua Petrus, nampa nije'ne'mo ke'nanga. Jari anjo alloa katambammi jaina tau tappaka a'jari tallussa'bu tau.

LAMPA-LAMPANA 21:20

Le'baki nalangngere' ke'nanga anjo caritana Paulus, ammuji-muji ngasemmi ke'nanga mae ri Allata'ala. Nampa nakanamo ke'nanga ri Paulus, “Paulus! Parallui nuasseng sari'battang, angkanaya assa'bu-sa'bumi tu Yahudi a'jari tappa' ri Isa. Najarre' ngaseng ke'nanga angkatutui sikamma parentaNa Allata'ala, le'baka napabattu Musa.

LAMPA-LAMPANA 4:4

Mingka jaimi tau le'bakamo allangngereki anjo napangngajarrang tunisuroa, a'jari tappa'. Katambammi jaina ke'nanga a'jari kira-kira limassa'bu tau.

ROMA 15:19

kammayatompa ilalang gau'-gau' appakalannasaka, siagang sukkaraka antama' ri akkala'na rupataua; yangasenna anjo koasaNa RohNa Allata'ala anggaukangi. Le'ba' ngasemmi kubirittakang sikamma Kabara' Baji' ri passala'na Isa Almasi mae ri taua, appakkaramula battu ri Yerusalem sa'genna ri Ilirikum.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”