LUKAS 13:15 - KITTA' MATANGKASA'

¹⁵ Appialimi Isa Nakana, “Munape' ngasengko antu! Ri allo Pammari-marianga nalappassang ngasengi taua sapina yareka jaranna battu ri barana, nampa naerang assulu' untu' nasare je'ne' inung.

LUKAS 13:15 Iomraidhean Croise

AYUB 34:30

Na tanakulleamo bansa-bansaya untu' antahangi makoasa anjallakangi tau ja'dalaka.

PANGNGEBARANG 11:9

Pa'bicaranna tau ja'dalaka ammanraki; kacara'dekanna tau bajika lappasalamaki.

YESAYA 29:20

Iaminjo kale'bakkanna sikamma tau anjallakkangai paranna tau siagang anghinayai Allata'ala. LaNahukkungi Allata'ala sikontu tau dorakaya,

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

MATIUS 15:7

Munape' ngasengko antu! Annaba sikalimi apa le'baka napau Na'bi Yesaya, ansero kana ngasengko angkanaya:

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

MATIUS 23:28

Kamma ngaseng tommako anjo. Punna nicini' battu pantarang, baji' ngasengko mae ri taua; mingka lalang ri nyawanu, sangnging tu munapekko siagang tena ngaseng nungngasseng atorang.”

MATIUS 7:5

E, munape'! Pasuluki rolong anjo batu niaka lalang ri matannu, nunampa akkulle accini' baji' ampasuluki anjo limbu'bu' niaka lalang ri matanna parannu tau.

LUKAS 12:1

Anjo wattua assa'bu-sa'bui jaina tau battu. Assiassa'-assa'mi ke'nanga, sa'genna nia'mo tau nionjokang bangkenna. Lalang a'lipunnamo taua, Nakanamo Isa ri ana'-ana' gurunNa, “Tutuko mae ri pa'gambanna tu Farisia. Battuanna kanangKu, tutuko mae ri sipa'-sipa' munape'na ke'nanga.

LUKAS 14:5

Nampa Nakana Isa ri taua ngaseng, “Ebara'na nia' sitau ana'nu yareka sikayu sapinu tu'guru' antama' ri bungunga ri allo Pammari-marianga, maka tena nukkaro-karo ambesoki nai' anjo ana'nu yareka anjo sapinu, anjo memang alloa?”

LUKAS 6:42

Antekamma lakkulle nukana ri sari'battannu, ‘Maeko sari'battang, nakupasulu' anjo baru'bu' kayua lalang ri matannu,’ na nia' kayu balo' lalang ri matannu tanucinika? He, munape'! Pasuluki rolong anjo balo' niaka lalang ri matannu. Punna assulu'mo, nampami labaji' paccini'nu, siagang nampami akkulle nupasulu' anjo baru'bu' kayu lalanga ri matanna sari'battannu.”

LUKAS 7:13

Tu'guru'mi pangngamaseanNa Isa anciniki anjo jandaya. Nakanamo ri ia, “Teaki' angngarruki bu'!”

LUKAS 7:19

nampa nasuro ke'nanga mange akkuta'nang ri Isa angkana, “Maka iKatte mintu tu labattua situru' Napa'janjianga Allata'ala? Yareka musti lattayangki' maraengannaya?”