LUKAS 13:13 - KITTA' MATANGKASA'

¹³ Nampa Napadongko' limanNa Isa irateanganna anjo bainea; na anjo wattua akkullemi ammenteng silalonna anjo bainea, nampa ammuji-muji ri Allata'ala.

LUKAS 13:13 Iomraidhean Croise

MATIUS 9:8

Ri wattunna nacini'mo tau jaia anjo apa kajarianga, malla' ngasemmi ke'nanga; nammuji-mujimo ke'nanga ri Allata'ala, lanri Napa'nyatanamo Allata'ala koasa kammaya lompona mae ri tu linoa.

MARKUS 16:18

Punna anna'galaki ulara' yareka angnginungi racung, talamangngapa-apayai ke'nanga. Punna napadongko' limanna ke'nanga irateanganna tau garringa, la'jari bajiki anjo tau garringa.”

MARKUS 5:23

Na napala' dudu ri Isa nakana, “Bapa', sanna' sikali garrinna ana' baineku. Kupalaki naKibattu anta'galaki, sollanna akkulle baji', natea matei!”

MARKUS 6:5

Anjoreng ri tampaka taerokai Isa appa'nia' gau' appakalannasa', pantaranganna siapa are tau garring Napadongkoki lima sa'genna a'jari baji'.

MARKUS 8:25

Napamangemi pole limanNa Isa ri matanna anjo taua. Nampa napikulle-kulleimi pole accini' anjo taua. A'jari baji'mi matanna siagang baji' ngasemmi nacini'na apa-apaya.

LUKAS 13:12

Nacini'na Isa anjo bainea, Nakio'mi Nakana, “Ibu', ta'lappasa' mako battu ri garrinnu!”

LUKAS 18:43

Anjo wattua, akkulle memammi accini' silalonna. Nampa amminawang ri Isa, siagang appala' sukkuru'mi ri Allata'ala. Nacini'na tau jaia anjo apa kajarianga, ammuji-muji ngasemmi ke'nanga ri Allata'ala.

LUKAS 4:40

Ri wattunna lalabumo alloa, battu ngasemmi taua angngerangi tau garrinna mae ri Isa. A'rupa-rupami garrinna ke'nanga. Naangka'mi na Napadongko' limanNa Isa irateanganna ke'nanga, sa'genna a'jari baji' ngaseng ke'nanga.

LAMPA-LAMPANA 9:17

A'lampami Ananias mange anjoreng ri ballaka, na napadongko' limanna irateanganna Saulus. Nakana Ananias, “Sari'battangku Saulus, Batara Isa nucinika ri tangngana aganga ri wattunnu mae anrinni, Iami assuroa' battu mae ri kau, sollannu akkulle accini' poleang, siagang nikoasai ri RohNa Allata'ala.”