LUKAS 13:12 - KITTA' MATANGKASA'

¹² Nacini'na Isa anjo bainea, Nakio'mi Nakana, “Ibu', ta'lappasa' mako battu ri garrinnu!”

LUKAS 13:12 Iomraidhean Croise

PAMMUJI 107:20

Napammollei ke'nanga siagang parentaNa, na Nalappassang ke'nanga battu ri kali'bong kuburuka.

YESAYA 65:1

Nakana Batara, “SadiaMa' ero' appiali ri ummakKu, mingka tena nappala' doang ke'nanga mae ri Nakke. SadiaMa' nibattui ri ke'nanga, mingka taerokai ke'nanga amboyA'. Anjo bansaya tena nakkio' ri Nakke, manna pole sadiaMa' lappiali: Anne nia'jA'!

YO"EL 3:10

De'deki mata pa'jekonu a'jari pa'dang, siagang berang pa'battasa'nu a'jari badi'. Kammayatompa tau lammaya musti angkanai, ‘Akkullea' a'bundu' sangkamma tantaraya!’

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

MATIUS 8:16

Ri wattunna appakkaramulamo karuenga, jaimi tau nisoso' ri setang nierang mange ri Isa. Naporo sibukuji bawang kana Napau Isa naNabongkamo assulu' anjo setang-setanga battu ri yangasenna anjo tunisosoka ri setang, kammayatompa naNaballei ngaseng tommo sikontu tau garringa.

LUKAS 13:11

Nia'mo anjoreng sitau baine garring, lanri nia'na roh ja'dala' lalang ri kalenna. Na sampulomi assagantuju taung garring anjo bainea. A'bukku'mi siagang tena sikalimo nakkulle ammenteng.

LUKAS 13:13

Nampa Napadongko' limanNa Isa irateanganna anjo bainea; na anjo wattua akkullemi ammenteng silalonna anjo bainea, nampa ammuji-muji ri Allata'ala.

LUKAS 13:16

Anrinni nia' sitau baine, sossoranna Abraham, sampulomi assagantuju taung nisessa siagang nisikko' ri Billisi'. Maka takkulleai nila'gasi passikko'na ri Allo Pammari-marianga?”