LUKAS 12:58 - KITTA' MATANGKASA'

⁵⁸ Punna nia' tau antuduko nanaerangko mange ri pangadelanga, assiama' mako linta' siagang anjo taua ri wattu tenanapa nunrapi' mange ri pangadelanga. Nasaba' punna tena, tena tanare'resannu mange ri dallekanna hakinga; nampa napassareangko anjo hakinga mae ri pulisia; nampa napantamakko pulisia ri tarungkua.

LUKAS 12:58 Iomraidhean Croise

AYUB 22:21

Jari, Ayub, assiama' mako siagang Batara, sollanna nunggappa kasannangngang. Punna nugaukang kammaya anjo, mattantu anggappako kaupakkang.

AYUB 23:7

Tena kusala, siagang akkullei kupattojeng kalengku ri dallekanNa, jari lanilappassanga' sa'genna satunggu-tungguna.

PAMMUJI 32:6

Lanri kammana sikamma tau bajika parallui appala' doang ri wattunna nakasia' kasukkarranga, sa'genna punna battu a'ba kasusaanga, tena nanilo'lorangi.

PAMMUJI 50:22

Parhatikangi, ikau ngaseng takkaluppaya mae ri Allata'ala; tutuko, gassingka Kuposso' ngasengko, na tena ampasalamakko.

YESAYA 55:6

Ammotere' mako mae ri Batara lalang akkullena ija; akkio' mako mae ri Ia lalang a'reppese'Na.

MATIUS 18:30

Mingka tanajampangiaji anjo aganna. Ba'lalo napantama'ji ri tarungkua anjo aganna sa'genna nabayara' ngaseng inranna.

2 KORINTUS 6:2

Nakana Allata'ala lalang ri Kittaka, “Ri wattu pangngellaingKu, Kupilangngerimi pappala'nu, siagang ri wattu allo kasalamakkanga, Kupasalama' mako.” U'rangi baji'-baji'! Iaminne wattua, wattu pangngellaiNa Allata'ala. Kammayatompa iaminne alloa, allo pappasalama'Na Allata'ala.

1 PETRUS 3:19

Iaminjo RohNa a'lampa ambirittakangi biritta battua ri Allata'ala mae ri roh-roh nitarungkua:

2 PETRUS 1:15

Jari lakuusahai sollanna manna pole matema', tuli lanuu'ranginna ammotere' yangasenna anne passalaka.

YUDAS 1:3

Sikamma sari'battangku sannaka kukarimangnginna! Sanna' dudu erokku annulisi' sura' mae ri kau ngaseng ri passala'na kasalamakkang nitarimayamo. Mingka kamma-kamma anne erokka' kusa'ring ampakaingakko lalang ri anne suraka, sollannu barjuang turus untu' katappakkanta; anjo katappakkanga sikaliji Napassareang Allata'ala sa'genna satunggu-tungguna mae ri Umma'Na.

PAPPICINI' 20:7

Punna le'ba'mo anjo wattu sisa'bua taung, lanilappassammi anjo Billisika battu ri tarungkua,