LUKAS 12:48 - KITTA' MATANGKASA'

⁴⁸ Mingka inai-nai palayang tangngassengai ero'na karaenna, nampa nia' kasalang nagaukang sa'genna musti nicambo', latenaja nasanna' dudu nicambo'. Nasaba' inai-nai le'ba' nisare jai, lajai tongi nipappalakkiangi. Na inai-nai jai nipappirannuang ri kalenna, lajai tongi nituntu' battu ri kalenna.”

LUKAS 12:48 Iomraidhean Croise

KAIMANGNGANG 5:17

Punna nia' tau tena nakunjungi anggaukangi dosaya lanri nadakkaina kalase'renna parentaNa Batara, anjo taua salai siagang musti natanggongi kodina anjo kasalanna.

PAMMILANGNGANG 15:27

Punna sitauji bawang anggaukangi anjo dosa tenaya nikunjungi, anjo taua musti assarei koro'bang sikayu bembe gana umuru' sitaunga untu' koro'bang pammopporang dosa.

MATIUS 13:12

Nasaba' tau niakamo apa-apanna lanitambaiangi pole sijaiang, sa'genna kala'biang. Mingka tau tenaya apa-apanna, yareka naniaka sike'de' apa-apanna, lanialleangi ba'lalo ammotere'.

MATIUS 23:14

Cilaka ngaseng mako ikau guru-guru agamaya siagang tu Farisia lanri nungaina assara-saraia. Nutipui janda-jandaya, nanualleang balla'na. Nalanri ero'na nucokkoi kaja'dallannu, nula'bu-la'buimi punna assambayangko. Lanri kammana minjo nabattala' sikali sallang hukkungannu!]

LUKAS 12:41

Akkuta'nammi Petrus nakana, “O Batara, untu' inai anne pappilajaranga? Ikambe Kipitujui yareka yangaseng taua?”

LUKAS 12:49

“NiakKa' battu sollanna passabakkang iNakke nakkanre anne linoa. Teai sipato' baji'na punna a'rinramo pepe'na!

LUKAS 16:2

Jari nasuro kio'mi anjo pagawena ammolika doe' na nakana, ‘Apa kutadeng nugaukangangi barang-barangku? Kamma-kamma anne kukellaiko ampakasingarianga' baji'-baji' antekamma lampa-lampana batenu angngurusuki pa'barang-barangangku. Tenamo kukellaiko amboliki doekku.’

YOHANES 15:22

Ebara' angkana tena naKubattu siagang tenapa naKupabattuang ngaseng anjo sikammaya mae ri ke'nanga, tenaja naladoraka ke'nanga. Mingka kamma-kamma anne tenamo alasanna ke'nanga untu' antongkoki dosana ke'nanga.

LAMPA-LAMPANA 17:30

Anjo wattu kadongokanta Nakaluppaimi Allata'ala, mingka kamma-kamma anne Nasuromi toba' battu ri dosa-dosana sikontu rupataua ri lino.

PAOLE 25:2

Punna anjo salaya nisarei hukkungang paccambo', hakinga musti nasuroi anjo taua akkulantu'. Siapa jaina paccambo' nagappa, situruki battu ri antekamma kaja'dallang le'baka nagaukang,

1 TIMOTIUS 1:11

Anjo pangngajaranga niaki lalang ri Kitta' Kabara' Bajika ia nipassuroanga mae ri nakke untu' nipa'la'bang, iamintu Kabara' Baji' mala'birika battua ri Allata'ala siagang siratanga nipuji.

1 TIMOTIUS 1:13

Riolo le'baki kupitina, kusessa siagang kuhina. Mingka manna nakamma Nakamaseang tonja' Allata'ala, nasaba' anjo wattua tenapa nakutappa', jari takuassengai anjo apa kugaukanga.

1 TIMOTIUS 6:20

Timotius! Katutui bajiki anjo apa nipappirannuanga ri kau! Pakabellai kalennu battu ri pa'bicarang tenaya matu-matunna siagang passigea'-geakkang ri apa-apa nikanaya “Pangngissengang”, nampa teaiji pangngissengang.

TITUS 1:3

Punna narapi'mo wattunna, laNapa'nyatami anjo janjinNa Allata'ala lalang pappasanNa mae ri linoa. Anjo pappasanNa Napappirannuammi mae ri nakke, siagang kubirittakammi anjo pappasanga situru' parentaNa Allata'ala Mappasalamatta.

YAKOBUS 3:1

Sikamma sari'battangku! Teako jai dudui ero' a'jari guru. Nuassengi angkanaya ikatte a'jari gurua lala'bi terassangangi punna niadeliki' na tau maraenga.