LUKAS 12:30 - KITTA' MATANGKASA'

³⁰ Tau tenayaji natappa' ri Allata'ala angngondang ngasengi sikammaya anjo. Na sikontutojenna, Naassemmi Allata'ala la'bi riolo angkanaya parallu ngasengi anjo mae ri kau.

LUKAS 12:30 Iomraidhean Croise

MATIUS 10:20

Nasaba' teai ikau la'bicara anjo wattua, passangalinna RohNa Manggea ri suruga la'bicara battu lalang ri kalennu.

MATIUS 18:14

Kamma tomminjo Manggenu ri suruga. Tena Nakellai kalase'renna anne tau beru tappaka ri Nakke sala oloang.”

MATIUS 5:47

Na punna agannuji bawang nujamakki, apa la'bina kabajikannu? Kamanna tau kapereka nagaukang tonji kammaya.

MATIUS 6:1

“U'rangi, teako gaukangi apa napassuroanga agamanu ri dallekanna tau jaia, lanri ero'nu ampappiassengangi ri tau jaia. Punna kamma anjo batenu appanggaukang, mattantu tena nulanggappa pahala battu ri Allata'ala Manggenu niaka ri suruga.

MATIUS 6:32

Tau tenayaji natappa' ri Allata'ala tuli angngondang dudui sikammaya anjo. Sikontutojenna le'ba' Naasseng memanji Manggenu ri suruga, angkanaya nuparalluang ngasengi anjo sikammaya.

MATIUS 6:8

Teako kau appakammai anjo batenu assambayang. Kale'ba' Naasseng riolomi Allata'ala parallunu ri tenanapa nuppala'.

LUKAS 12:29

Jari, teako ranggaselai yareka teako lippui nawa-nawannu ri passala' lanukanrea siagang lanuinunga.

LUKAS 12:31

Mingka ikau, musti nuboyai rolong sollanna ammarenta Allata'ala lalang tallasa'nu, nampa Nasareangko Allata'ala apa-apa maraenganga.”

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

YOHANES 20:17

Nakanamo Isa ri ia, “Teako ta'galakiA', nasaba' tenapa naKunai' ri Manggea. Mingka a'lampamako mae ri sikamma sari'battangKu, siagang pauangi ke'nanga angkanaya kamma-kamma anne nai'Ma' ri ManggeKu siagang Manggenu todong, ri Allata'alaku siagang Allata'alanu todong.”

EFESUS 4:17

Lanri kammana, nasaba' arenNa Batara, iaminne lakupaua siagang lakupattantua: tea' mako attallasa' sangkammai pole tau tenayapa natappa' ri Allata'ala, siagang tau tenaya nannaba-naba pikkiranna.

1 TESALONIKA 4:5

Teako turuki hawa napasunu mae ri bainennu sangkamma nagaukanga tau kapere' tenaya naassengi Allata'ala.