LUKAS 12:24 - KITTA' MATANGKASA'

²⁴ Cinissai jangang-jangang kalaaka! Tena na'lamung, tena nakkatto, tena todong gudanna yareka pammolikang asenna. Mingka niparakai tonji ri Allata'ala! La'bi lompoangangi anggarannu na anjo jangang-janganga!

LUKAS 12:24 Iomraidhean Croise

AYUB 35:11

siagang assareai akkala' baji' rupataua la'biangngang na jangang-jangang siagang olo'-olo' ri lino.

AYUB 38:41

Inai ambantui jangang-jangang kalaa' cipuruka anri'baka ri kere-keremae a'boya kanre? Siagang inai todong antulungi punna ammarrang ana'-ana'na mae ri nakke appala' kanre?

PAMMUJI 147:9

Nasarei kanre olo'-oloka, siagang ana' jangang-jangang akkio'-kioka.

MATIUS 10:31

Lanri kammana minjo, tea' mako mallakki! Nasaba' lompoangangi anggarannu naanjo jangang-jangang cui-cuia!”

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

MATIUS 6:26

Cini' sai anjo jangang-janganga ri panri'bakkanna. Tena nangngasseng a'lamung-lamung, tena nakkatto, kammayatompa tena nammoli' wassele' lamung-lamung ri pammoli'-molikanna. Mingka manna nakamma mamo, niparakai tonji ri Manggenu niaka ri suruga. Sai lompoangangi anggarannu nasikamma anjo jangang-janganga?

MARKUS 6:26

Nalangngere'na Herodes anjo apa napalaka, sanna'mi susana nyawana. Mingka takkulleami tanaturukiang, lanri le'ba'mi assumpa ri dallekanna ngaseng toananna.

LUKAS 12:18

Appikkiri'mi pole, siagang nakanamo ri kalenna, ‘E, nia' akkalakku; bajikangangi punna kusuro rumbangi gudangku, nampa kubangung poleang lompoanganga. Anjoremmi lakuboli' ngaseng asengku siagang barang-barangku maraenga.

LUKAS 12:23

La'bi paralluangangi tallasaka na kanrea, siagang la'bi paralluangangi tubua na care-carea.

LUKAS 12:7

Anjo uu'nu irate ri ulunnu le'ba' ngasemmi nibilang; jari tea' mako mallakki. Nasaba' lompoangangi anggarannu naanjo jangang-jangang cui-cuia!”