LUKAS 12:23 - KITTA' MATANGKASA'

²³ La'bi paralluangangi tallasaka na kanrea, siagang la'bi paralluangangi tubua na care-carea.

LUKAS 12:23 Iomraidhean Croise

PA'JARIANG 19:17

Le'baki anjo nakanamo kalase'renna anjo malaekaka, “Lariko, pasalamaki nyawanu! Teako assailei mae ri boko siagang teako ammantangngi ri lapparaka. Lariko nai' ri monconga, sollanna tena numate ngaseng todong!”

AYUB 1:12

Nakanamo Batara ri lapung Panggoda, “Baji'mi, gaukammi apa eroka nugaukang mae ri sikontu kakalumanynyanganna Ayub, assala' teako pa'risi'!” A'lampami lapung Panggoda battu ri dallekanNa Batara.

AYUB 2:4

Mingka appialimi lapung Panggoda angkana, “Nyawana siagang pakkamalena tubua la'bi lompoangngangi anggaranna na pa'barang-barangnganga. Rellai rupataua angkoro'bangkangi sikontu apa-apanna, assala' akkullei tulusu' attallasa'.

AYUB 2:6

Nakanamo Batara mae ri lapung Panggoda, “Baji'mi, gaukammi apa eroka nugaukang mae ri Ia, assala' teako bunoi.”

PANGNGEBARANG 13:8

Tau kalumanynyanga musti appasuluki doe' sollanna amang tallasa'na; mingka tau kasi-asia nipakabellai battu ri balaya.

LUKAS 12:22

Nampa Nakana Isa ri ana'-ana' gurunNa, “Lanri kammana minjo naKukana, ‘Teako ranggaselai ri passala'na katallassannu, iamintu ri passala' lanukanrea, yareka ri passala' apa lanupake.’

LUKAS 12:24

Cinissai jangang-jangang kalaaka! Tena na'lamung, tena nakkatto, tena todong gudanna yareka pammolikang asenna. Mingka niparakai tonji ri Allata'ala! La'bi lompoangangi anggarannu na anjo jangang-janganga!

LAMPA-LAMPANA 27:38

Le'baki angnganre ngaseng ke'nanga, napela'mi gandung niaka naerang anjo kappalaka naung ri tamparanga, sollanna a'jari ringang anjo kappalaka.