LUKAS 12:21 - KITTA' MATANGKASA'

²¹ Kammaminjo sallang kajarianna sikamma tau eroka a'boya kakalumanynyangang untu' kalenna, mingka teai a'boya kakalumanynyangang ri dallekanNa Allata'ala.”

LUKAS 12:21 Iomraidhean Croise

PANGNGEBARANG 13:7

Nia' tau a'gau' kalumanynyang, natena apa-apanna; nia' tau a'gau' kasi-asi, nakalumanynyang kalupepeang.

HOSEA 10:1

Israel rapangi poko' anggoro' roasaka rapponna. Pila' katambangi kalumanynyanna, pila' jai tongi tampa' pakkoro'bangnganga napareka. Pila' kalumanynyangi, pila' baji' tongi patung-patunna barhala nasombaya.

HABAKUK 2:9

Nitunraiko ikau! Nupa'jari kalumanynyangi kaluarganu battu ri passawallang nugappaya lanri gau' palla'nu, sollanna balla' kalennu a'jari amang siagang bellai battu ri kasusaanga siagang balaya.

LUKAS 12:33

Balukammi barang-barannu, nampa nupassareang ballinna mae ri tu kasi-asia. Appare' mako pammoneang doe' tenaya nalatoa, iamintu barang-barang lanibolika ri suruga. Anjo barang-baranga takkulleai tappela', nasaba' takkulleai nilukka' ri palukkaka, siagang takkulleai nipanraki ri kacoaka.

LUKAS 16:11

Jari punna takkulleako nipatappa' ri passala' pa'barang-barangang lalanga ri linoa, inai laero' ampatappakko ri passala' pa'barang-barangang surugaya?

LUKAS 6:24

Mingka cilaka ngaseng mako tau kalumanynyanga ri kamma-kammaya anne; nasaba' nukasia'mi apa-apa nungaia!

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

2 KORINTUS 6:10

Manna nanipakasi'na pa'maitta, mingka tuli rannujaki'. Kasi-asi maki' nicini', mingka jaimi tau nipa'jari kalumanynyang. Tena nicini' apa-apanta, mingka sikontutojenna nia' ngasemmi ri katte sikontu apa-apaya.

1 TIMOTIUS 6:9

Mingka inai-nai ero' a'jari kalumanynyang, nigodami siagang nijarro'mi ri a'rupa-rupa kacinnang dongoka siagang ammanrakia. Iaminjo sikammaya kacinnanna ke'nanga ampa'jari ancuruki siagang ampa'jari cilakai ke'nanga.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

PAPPICINI' 2:9

Kuassengi kasusannu ngaseng; Kuassengi angkanaya kasi-asiko, mingka sikontutojenna kalumanynyang ngasengko! Kuassengi sikamma pitina nipamangea ri kau, napare'-pareka sikamma tu nakanaya kalenna tu Yahudi, na sikontutojenna teai; anjo ke'nanga sangnging umma'na Billisika.