LUKAS 12:16 - KITTA' MATANGKASA'

¹⁶ Nampa Nacarita Isa anne pangngebaranga Nakana, “Nia' sitau tu kalumanynyang. Nia' tanana, sannaka jaina wassele'na.

LUKAS 12:16 Iomraidhean Croise

AYUB 12:6

Mingka katallassanna paellaka tena niancangi; tau barania ambaliangi Allata'ala, amangi tallasa'na. Na rewataja a'jari panrannuanna ke'nanga, kagassingang kalennaji bawang napattoang.

AYUB 24:23

Allata'ala assarei tallasa' salewangang, mingka tenammarina Najannangngi.

PAMMUJI 73:12

Kammaminjo lampa-lampana tau ja'dalaka; sannangi tallasa'na, tuli katambangi barang-baranna.

PAMMUJI 73:3

saba' angngiri mata' mae ri tau tampoa, ri wattunna kucini' kaupakkanna tau ja'dalaka.

YEHEZKIEL 16:49

Sodom siagang desa-desana tampoi lanri jaina parsadiaang kanre-kanreanna kammayatompa akkullei attallasa' siagang sannang na amang. Mingka tena naparhatikangi ke'nanga tau kasi-asia siagang tau tunaya.

HOSEA 2:8

Amma'nu tenamo naania' angkanaya iNakke assarei gandung, anggoro', minynya' zaitun, siagang sikontu bulaeng na pera' niaka napake untu' anynyomba ri anjo Rewata Baal.

MATIUS 13:8

Mingka nia' todong bine takkioro' ri butta copponga. Baji'mi attimbona anjo binea, coppongi poko'na, najai rapponna; nia' a'lappi sibilangngang, nia' a'lappi annampulo, siagang nia' todong a'lappi tallumpulo jaina rapponna.”

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

LUKAS 12:17

Appakkaramulami appikkiri' anjo tu kalumanynyanga nakana, ‘Tenamo tampa' lakupammoliki wassele'na tanaku. Apa akkalakku kamma-kamma anne?’

LAMPA-LAMPANA 14:17

Mingka tena Natakkaluppa ampa'butti kabajikanNa ilalang apa-apa Nagaukanga. Nasare ngasengko bosi battu ri langika, siagang wassele'na buttaya punna narapi' wattunna. Nasareko apa-apa lanukanrea siagang Napakasannangi atinnu.”