LUKAS 11:29 - KITTA' MATANGKASA'

²⁹ Lalang nikulilinginNa Isa ri tau jaia, Nasambungimi bicaranNa Nakana, “Teai sipato' ja'dala'na ngaseng taua ri anne jammanga. NasuroA' anggaukangi gau' appakalannasaka sollanna akkulle tappa' ke'nanga ri Nakke. Mingka manna sirupa tena todong gau' appakalannasa' lanipicinikiangi, pantaranganna gau' appakalannasa' le'baka kajariang ri kalenna Na'bi Yunus.

LUKAS 11:29 Iomraidhean Croise

YEHEZKIEL 24:24

Jari inakke, Yehezkiel, la'jari conto mae ri kau: lanugaukangi sangkamma apa kugaukanga kamma-kamma anne. Nakana Batara, angkanaya punna kajariang anjo passalaka, lanuassemmi angkanaya Iami Batara Kaminang Tinggia.”

YUNUS 1:1

Ri se'reang allo a'bicarai Batara mae ri Yunus, ana'na Amitai.

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

MARKUS 8:38

Punna nia' tau siri'-siri' angngakuiA' siagang pangngajarangKu ri anne jammang sannaka dorakana siagang ja'dala'na, tena todong Naero' Ana' Ma'rupataua angngakui sallang punna battui siagang koasaNa ManggeNa, nirurungang ri malaeka'-malaeka' matangkasa'Na.”

LUKAS 11:16

Nia' tommo siapa are tau ero' ampa'boyangi kasalang Isa. Jari nasuromi Isa anggaukangi gau'-gau' appakalannasaka, a'jari pammatei ma'nassana angkanaya battu tojengi ri Allata'ala.

LUKAS 11:50

Kammaminjo Nagaukang Allata'ala, sollanna akkulle nihukkung taua ri anne jammanga, lanri pammunoang le'baka nagaukang ke'nanga mae ri na'bi-na'bia, appakkaramula ri wattunna nipa'jari linoa.

LUKAS 12:1

Anjo wattua assa'bu-sa'bui jaina tau battu. Assiassa'-assa'mi ke'nanga, sa'genna nia'mo tau nionjokang bangkenna. Lalang a'lipunnamo taua, Nakanamo Isa ri ana'-ana' gurunNa, “Tutuko mae ri pa'gambanna tu Farisia. Battuanna kanangKu, tutuko mae ri sipa'-sipa' munape'na ke'nanga.

LUKAS 9:41

Appialimi Isa Nakana, “Teai ngasengko sipato' anne! Ma'nassa tau sala oloang ngasengko siagang tau tena ngaseng nutappa'! Siapapi salloKu lammantang angngagangko siagang lasa'bara' ri kau ngaseng? Erangi mae antu anaka!”

YOHANES 2:18

Battumi tau anna'galaka koasa ri tu Yahudia andallekangi Isa. Nakanamo ke'nanga, “Coba sai gaukang gau' appakalannasaka, akkullea a'jari pammatei ri ma'nassaNu siratang anggaukang ngasengi anne sikammaya.”

YOHANES 6:30

Nakanamo ke'nanga, “Punna kamma, apa butti akkulle Kipappicinikang sollanna akkulle tappa' ikambe mae ri Katte Bapa'? Apa laKigaukang?

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

1 KORINTUS 1:22

Tu Yahudia annuntuki gau' appakalannasa' salaku butti, kammayatompa tu Yunania naboyai lalang ri kaporeang niaka ri anne linoa.