LUKAS 11:21 - KITTA' MATANGKASA'

²¹ Punna kassa' taua, naganna' sanjatana anjagai balla'na, lasalama' ngasengi pa'barang-baranganna.

LUKAS 11:21 Iomraidhean Croise

YESAYA 49:24

Akkuta'nang ngasengko angkana, “Maka lakkullei nialle barang rampasanga battu ri se'rea tubarani, yareka tunitahanga nialle battu ri ta'galanna tau pallaka?”

MATIUS 12:29

Antekamma lakkulle antama' taua ri se'reang balla', angngalle passai barang-baranna punna tau gassing patanna balla'? Mattantu nasikkoki rolong anjo tau gassinga, patannaya balla'. Punna le'ba'mo nasikkokang anjo patannaya balla', nampami akkulle naalle passa barang-baranna.

MARKUS 3:27

Punna nia' paella' antama' ri balla'na tau gassinga, takkulleai naalleang barang-baranna punna tanasikkoka rolong anjo tau gassinga. Le'bappi nasikko' anjo tau gassinga nampa akkulle naalleang barang-baranna.

LUKAS 11:20

Mingka iNakke, lanri koasa battu ri Allata'ala naKubongka setanga. Battuanna, angkanaya appakkaramulami ammarenta Allata'ala ri tangnga-tangnganu ngaseng.

LUKAS 11:22

Mingka punna nia' tau kassakkangang battu angngewai siagang ambetai, lanialleang ngasemmi anjo sanjata napattoanga, nampa nialle passa ngaseng todong nampa nipa'bage-bageang pa'barang-baranganna.