LUKAS 11:18 - KITTA' MATANGKASA'

¹⁸ Kamma tomminjo lalang ri pamarentahanna Setanga; punna assiba'ji-ba'ji para ia silokoang, mattantu laruntungi anjo pamarentahanna. Nukana ngaseng angkanaya lanri koasana Pinggawana Setang nakkulle Kubongka anjo setanga.

LUKAS 11:18 Iomraidhean Croise

MATIUS 10:25

Sukku'mi sa'genna punna a'jari sangkamma ana' gurua siagang gurunna; yareka a'jari sangkamma palayanga siagang karaenna. Punna nigallara'mo Pinggawa setang kapala ruma tanggaya, la'biangampa pole kodina lanigallarrangi bone balla'na!”

MATIUS 12:26

Kamma tomminjo lalang ri pamarentahanna Billisika, punna nia' silokoang ambongkai lokoang maraenga, ma'nassa ta'bage-bagemi siagang lanra'bami pamarentahanna anjo Billisika.

MATIUS 4:10

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

LUKAS 11:15

Mingka nia' tommo tau angkana, “Nakkulle Nabongka setanga, nasaba' nisarei koasa ri Beelzebul, Pinggawana setang-setanga.”