LUKAS 11:15 - KITTA' MATANGKASA'

¹⁵ Mingka nia' tommo tau angkana, “Nakkulle Nabongka setanga, nasaba' nisarei koasa ri Beelzebul, Pinggawana setang-setanga.”

LUKAS 11:15 Iomraidhean Croise

MATIUS 10:25

Sukku'mi sa'genna punna a'jari sangkamma ana' gurua siagang gurunna; yareka a'jari sangkamma palayanga siagang karaenna. Punna nigallara'mo Pinggawa setang kapala ruma tanggaya, la'biangampa pole kodina lanigallarrangi bone balla'na!”

MATIUS 12:22

Le'baki anjo, nia'mo se're tau buta siagang pepe nisosoka ri setang nierang mae ri Isa. Naballeimi Isa anjo taua sa'genna akkullemo accini' siagang a'bicara.

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

MATIUS 9:34

Mingka nakanamo tu Farisia, “Kakapalanaji anjo setanga assarei koasa nakkulle Nabongka assulu' anjo setanga.”

YOHANES 10:20

Jai ke'nanga angkana, “Nasosoki setang anne taua. Pongoroki! Apa matu-matunna nupilangngeri ngaseng?”

YOHANES 7:20

Appialimi anjo tau jaia angkana, “PongorokKo antu! Inai ero' ambunoKo?”

YOHANES 8:48

Appialimi anjo tu Yahudia ri Isa angkana, “Sai kammatojengi kananna ikambe angkanaya ikau mintu tu Samaria nasosoka setang?”

YOHANES 8:52

Nakanamo anjo tu Yahudia ri Isa, “Kamma-kamma anne niassemmi angkanaya ma'nassa nasosokKo setang! Kalenna Abraham matemi, kammayatompa na'bi-na'bia mate ngaseng tommi. Mingka iKau Nukana, ‘Inai-nai anturuki kanangKu, tena nalamate sa'genna satunggu-tungguna.’