LUKAS 11:13 - KITTA' MATANGKASA'

¹³ Manna pole ja'dala' ngasengko, mingka angngasseng tonjako assare apa-apa baji' mae ri ana'nu. La'biangampa Manggea ri suruga! LaNapassareangi RohNa mae ri tau appalaka ri Ia!”

LUKAS 11:13 Iomraidhean Croise

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

PAMMUJI 51:5

Saba' kuakui sikamma kasalangku, tuli kuu'ranginna dosaku.

PANGNGEBARANG 1:23

Pilangngeria' punna kupasaileko, na lakupa'nyata bonena atingku, siagang kuajarrangko pangngassengangku.

YESAYA 49:15

Appialimi Batara, angkana, “Maka akkullei se'rea amma' angkaluppai ana'na, siagang tanasayangnga ana' kalenna? Manna pole na nakaluppai, mingka iNakke tena nalaKukaluppaiko!

YEHEZKIEL 36:27

LaKupantamaki RohKu antama' ri atinnu, siagang laKujagaiko sollannu attallasaka' situru' hukkung-hukkungKu kammayatompa nugaukang sikamma parentaKu.

YO"EL 2:28

“Le'baki anjo, sikontu taua laKupilumpai ngasengi siagang RohKu. Na sikamma ana'nu bura'ne baine lanapabattui pasang-pasangKu; tutoa-toa niaka ri alla'nu langgappai pappiso'na turungkaya bura'ne baine langgappai paccini'.

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

MATIUS 6:14

Punna nupammopporang tu kasalanga ri kalennu, Napammopporang tongi Allata'ala Manggenu ri suruga dosanu.

MATIUS 6:30

Anjo ruku'-ruku' niaka ri paranga, attimboi anne alloa nammuko lanitunui sa'genna cappu'. Mingka manna nakamma, nipipakei tonji ri Allata'ala anjo ruku'-rukuka sa'genna ga'ga nicini'. Jari la'biangampa pole ikau! Tena tanipipakeinu! Mingka sayanna kakurang tappakko!

MATIUS 6:32

Tau tenayaji natappa' ri Allata'ala tuli angngondang dudui sikammaya anjo. Sikontutojenna le'ba' Naasseng memanji Manggenu ri suruga, angkanaya nuparalluang ngasengi anjo sikammaya.

MATIUS 7:11

Manna antekamma ja'dala'nu mingka angngasseng tonjako assare apa-apa baji' mae ri ana'-ana'nu. La'biangampa pole Manggenu ri suruga, ma'nassa laNasarena apa baji' mae ri tau appalaka ri Ia.

LUKAS 11:12

Yareka assarei olo'-olo' niaka racunna, punna appala' bayao ana'na?

LUKAS 11:2

Jari Nakanamo Isa ri ke'nanga, “Punna appala' doangko, kammaminne batenu a'bicara, ‘Manggea, IKattemi Allata'ala Tenaya Ruanna. Poro iKatte nisomba siagang nipakala'biri'.

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?

YOHANES 4:10

Appialimi Isa Nakana, “Ka'de' nanuasseng passareNa Allata'ala, siagang nanuasseng todong angkana inai appalaka je'ne' ri kau, mattantu ikau kalennu lappala' je'ne ri Ia, na Nasareko je'ne' katallassanga.”

LAMPA-LAMPANA 2:38

Appialimi Petrus nakana, “Toba' ngaseng mako battu ri dosa-dosanu. Siagang musti massing nije'ne' ngasengko lalang arenNa Isa Almasi, sollanna nipammopporang dosa-dosanu. Nampa lanutarima passareNa Allata'ala, iamintu RohNa Allata'ala.

ROMA 5:17

Passabakkang se're tau doraka, na'la'bammo kamateanga tete ri anjo tau se'rea. Mingka la'biangampa lompona barakka'na mae ri rupataua passabakkang se'rea tau maraengannaya, iamintu Isa Almasi. LaNapa'la'bang bawang-bawangi pangngamaseanNa Allata'ala mae ri ke'nanga sa'genna akkulle ke'nanga assibajiki ammotere' siagang Allata'ala; lamakoasai ke'nanga ri anne linoa lanri Isa Almasi.

ROMA 7:18

Kuassemmi angkanaya tena sikalimo apa-apa baji' lalang ri batangkalengku, iamintu lalang ri sipa'-sipa' rupatauku. Nasaba' nia' erokku anggaukangi kabajikanga, mingka takkullea' anggaukangi.

ROMA 8:32

Manna ana' KalenNa tena todong Nakadarangi, passangalinna Napassareammi untu' kaparalluanta ngaseng; maka talaNasareaki' sikamma kaparalluanta maraenganga?

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.