LUKAS 10:7 - KITTA' MATANGKASA'

⁷ Ammantang mako ri se'reang balla'. Tarimami apa napassareanga patanna balla' ri kau, nasaba' sikamma tau anjamaya musti natarimai wassele' jama-jamanna. Teako a'lette'-letteki battu ri se'reang balla' mange ri balla' maraenga.

LUKAS 10:7 Iomraidhean Croise

PAMMILANGNGANG 18:31

Anjo tassesaya akkullei nukanre ri kere-keremae siagang kaluarganu, salaku sawala'nu ri jama-jamanga lalang ri KemaNa Batara.

MARKUS 6:10

Nakana pole, “Punna antamakko ri se'reang balla' ammantang mako anjoreng sa'genna nubokoi anjo kotaya.

LUKAS 10:6

Punna nia' lalang balla' tau nangai annarima barakka', ammantammi anjo barakka'nu ilalang ri anjo ballaka; mingka punna tena, allemi ammotere' anjo barakka'nu.

LUKAS 9:4

Kere-kerekomae nitarima, ammantang mako anjoreng sa'genna nubokoi anjo kotaya.

LAMPA-LAMPANA 16:15

Nije'ne'mi Lidia siagang sikontu bone balla'na. Le'baki nije'ne', nakio' maki' mange ri balla'na. Nakana Lidia, “Punna kipikkiri' ngasengi angkanaya ma'nassa tappa' tojeng-tojemma' ri Isa, umbamo kimange a'bangngi ri ballakku.” Napala' dudumi sollanna niturukiang pappala'na.

LAMPA-LAMPANA 16:34

Le'baki anjo nierammi Paulus siagang Silas mange ri balla'na anjo kapala tarungkua nampa nitoana siagang nisare kanre ke'nanga. Sannang sikalimi anjo kapala tarungkua siagang sikontu tau niaka ri balla'na, lanri tappa'mi ke'nanga ri Allata'ala.

LAMPA-LAMPANA 16:40

A'lampami Paulus siagang Silas ambokoi anjo tarungkua, nampa mange ri balla'na Lidia. Le'ba'na assibuntulu' siagang sikamma tau tappaka anjoreng, siagang napakajarre' ke'nanga, a'lampami Paulus siagang Silas.

GALATIA 6:6

Tau annarimaya pangngajarang battu ri Almasi, parallui nabage siagang gurunna apa-apa niaka ri ia.

PAOLE 12:12

A'rannu-rannuko ri dallekanNa Karaeng Allata'alanu, siagang sikamma ana'-ana'nu, ata-atannu siagang sikamma tu Lewi ammantanga ri kota-kotanu, lanri anjo tu Lewi tena nanggappa pambageang butta ri pa'rasangannu.

PAOLE 18:8

Musti anggappai kanre sangkammaya jaina siagang imang-imang maraenga; apa nagappaya battu ri kaluargana, untu' ia todong.”

1 TIMOTIUS 5:13

Nampa pole napela'-pela' salami wattunna ke'nanga assulu' antama' ri balla'na taua. Siagang la'bi kodianganga pole, iamintu appilajara'mi ke'nanga ambotto'-bottoki arenna taua; siagang napantama'-tamakki urusanna tau maraenga, kammayatompa nabicarami apa-apa tenaya nasiratang nibicara.

2 TIMOTIUS 2:6

Pamarri attojeng-tojenga anjama terasa', iami kaminang siratang anggappai wassele' lamung-lamunna.