LUKAS 10:5 - KITTA' MATANGKASA'

⁵ Punna antamakko ri se'reang balla', a'barisallangko rolong angkana, ‘Poro nibarakkaki bonena anne ballaka.’

LUKAS 10:5 Iomraidhean Croise

YESAYA 57:19

LaKusarei kasannangngang sikontu taua, baji' tau ambania kammayatompa tau bellaya. LaKupakabajiki ummakKu.

LUKAS 10:4

Teako angngerangngi pammoneang doe', yareka purukang pammoneang passidakka, yareka sapatu. Teako ammantangngi ri tangngana aganga untu' assare sallang manna pole ri nai.

LUKAS 10:6

Punna nia' lalang balla' tau nangai annarima barakka', ammantammi anjo barakka'nu ilalang ri anjo ballaka; mingka punna tena, allemi ammotere' anjo barakka'nu.

LUKAS 19:9

Nakanamo Isa, “Anne alloa ikau siagang sikamma bone balla'nu, nipasalama' mako ri Allata'ala siagang nisare mako katallassang beru, nasaba' sossoranna tongko Abraham.

LAMPA-LAMPANA 10:36

Nuasseng ngasemmi bonena kabara' Napabattua Allata'ala mae ri bansa Israel. Anjo kabaraka, iamintu ri passala'na Kabara' Baji' passiamakkang lalang ri KalenNa Isa Almasi iamintu Batara mae ri sikontu rupataua.

EFESUS 2:17

Iaminjo saba'na Nabattu Almasi ambirittakangi Kabara' Bajika, iamintu passala'na anjo passiamakkanga, mae ri kau ngaseng; baji' na mae ri kau bansa maraenga, bellaya battu ri Allata'ala, kammayatompa na mae ri kau bansa Yahudia, a'reppeseka ri Allata'ala.

1 SAMUEL 25:6

angngagangi sibuntulu' Nabal untu' ampabattui sallanna Daud mae ri ia. Nasuromi ke'nanga akkana kamma anne ri Nabal, “Salama' siagang salewangang mae ri kau siagang kaluarganu kammayatompa sikontu barang-barannu.