LUKAS 10:40 - KITTA' MATANGKASA'

⁴⁰ Mingka sibu' sikalimi Marta anggaukangi jama-jamanna ri balla'. Mangemi ri Isa angkana, “O Batara, angngapa natena Kijampangi Kipauang Maria ancini'-cinikia' anjama kale-kalengku? Suro sai nanabantua'!”

LUKAS 10:40 Iomraidhean Croise

MATIUS 14:15

Ri wattu karuennamo, battumi ana'-ana' gurunNa akkuta'nang ri Ia angkana, “Karuemmi anne, nampa bella anne tampa' nipammantangia. Bajikangang Kisuromi anne tau jaia ammotere', sollanna akkulle ke'nanga ammalli apa-apa lanakanre ri kampong-kamponga.”

MATIUS 16:22

Nibeso'mi Isa ri Petrus mae ri sa'ri nampa nipauang angkana, “Tapporo Napakabella laloi Allata'ala ri Katte anjo kammaya, Batara! Poro tena lalo nakajariang anjo kammaya ri Katte Batara!”

MARKUS 3:21

Nakanamo tau jaia, “Pongoro'mi anne taua!” Nalangngere'na bijanNa Isa anjo kajarianga, a'lampami ke'nanga angngallei Isa.

LUKAS 10:38

Le'baki anjo Napatulusu'mi jappaNa Isa siagang ana'-ana' gurunNa, nampa battu mange ri se'reang desa. Anjoreng ri desaya nia'mo sitau baine, niarenga Marta, angkioki Isa mange ri balla'na.

LUKAS 10:41

Appialimi Isa Nakana, “Marta, Marta, angngapa na nubata-bata kamma siagang angngapa na'rupa-rupa kamma sibu' nunawa-nawa?

LUKAS 12:29

Jari, teako ranggaselai yareka teako lippui nawa-nawannu ri passala' lanukanrea siagang lanuinunga.

LUKAS 9:55

Assailemi Isa, na Nakalarroi ke'nanga.

YOHANES 11:1

Nia' sitau niareng Lazarus ammantang ri Betania siagang sari'battanna niarenga Maria siagang Marta.

YOHANES 11:5

Anjo Marta, Maria siagang Lazarus, nikamaseangi ri Isa.

YOHANES 12:2

Anjoreng, nitoanami Isa ri ke'nanga, na Marta allayani. Ammempomi angnganre Lazarus siagang Isa, kammayatompa siapa are toananna.

YOHANES 6:27

Teako naporo untu' kanre lala'busuka siagang labottokaji bawang nanuanjama-jama. Anjamako untu' kanre tenaya nakkulle botto' siagang akkullea assare katallassang mannannungang. Iaminjo kanre kammaya laNasareangko Ana' Ma'rupataua, nasaba' Iami le'ba' Nalanti' Allata'ala Manggea.”