LUKAS 10:33 - KITTA' MATANGKASA'

³³ Mingka ribokoanganna, nia'mo sitau tu Samaria sitabang a'jappa todong anjoreng ri aganga. Ri wattunna nacini' anjo taua tappalengang ri aganga, sanna'mi paccena nyawana lanri nakamaseanna anjo taua.

LUKAS 10:33 Iomraidhean Croise

1 KARAENG-KARAENG 8:50

Kipammopporangi sikontu dosana siagang kadorakanna ke'nanga mae ri Katte, siagang Kipa'jari anjo musu-musunna ke'nanga a'gau' baji' mae ri ke'nanga.

KALAPPASSANG 2:6

Ri wattunna nasungke ana' bainena karaenga anjo karanjenga, nacini'mi anjo ana' lolo niaka lalang, sitabang angngarru'. Tu'guru'mi pangngamaseanna anjo ana' bainena karaenga na nakana, “Anne ana' tu Ibrani.”

PANGNGEBARANG 27:10

Teako kaluppai agannu yareka aganna manggenu. Teako appalakki bantuang ri sari'battannu lalang kasukkarang; a'matu-matuangngangi siampi' balla'nu kala sari'battannu bellaya.

MATIUS 10:5

Le'baki anjo Nasuromi Isa anjo sampuloa anrua tu nisuroNa. Na Napasang angkana, “Teako a'lampai mange ri pantaranganna daerana tu Yahudia. Tea tongko mangei ri kota-kotana tu Samariaya.

MATIUS 18:33

Maka tasiratangai nukamaseang anjo agannu sangkamma todong batenu kukamaseang?’

LUKAS 10:32

Kamma tomminjo, nia' sitau tu Lewi a'jappa anjoreng ri aganga; ri wattunna nacini' anjo taua tappalengang ri aganga, a'reppese'mi ero' anciniki bajiki anjo taua; mingka kale'bakkanna a'lili tommi nampa napatulusu' jappana.

LUKAS 10:34

A'reppese'mi mange ri anjo taua nampa nabissai loko'na nampa naballei siagang minynya' na anggoro', nampa naroko' kaeng anjo lokoka. Le'baki anjo napanai'mi anjo taua ri jaranna, nampa naerang a'lampa anjo taua mange ri balla' pa'bangngianga naparakai.

LUKAS 7:13

Tu'guru'mi pangngamaseanNa Isa anciniki anjo jandaya. Nakanamo ri ia, “Teaki' angngarruki bu'!”

YOHANES 4:9

Appialimi anjo baine battua ri Samaria angkana, “IKatte tu YahudiKi' tuang, na inakke tu Samaria; angngapa naKippala' je'ne' ri nakke?” (Nakkana kamma nasaba' tena passisambunganna tu Yahudia siagang tu battua ri Samaria.)

YOHANES 8:48

Appialimi anjo tu Yahudia ri Isa angkana, “Sai kammatojengi kananna ikambe angkanaya ikau mintu tu Samaria nasosoka setang?”