LUKAS 10:32 - KITTA' MATANGKASA'

³² Kamma tomminjo, nia' sitau tu Lewi a'jappa anjoreng ri aganga; ri wattunna nacini' anjo taua tappalengang ri aganga, a'reppese'mi ero' anciniki bajiki anjo taua; mingka kale'bakkanna a'lili tommi nampa napatulusu' jappana.

LUKAS 10:32 Iomraidhean Croise

PAMMUJI 109:25

Sikamma tau ancinikia' nahina ngasemma' napamenggong-menggong ulunna.

PANGNGEBARANG 27:10

Teako kaluppai agannu yareka aganna manggenu. Teako appalakki bantuang ri sari'battannu lalang kasukkarang; a'matu-matuangngangi siampi' balla'nu kala sari'battannu bellaya.

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

LUKAS 10:31

Sitabangi nia' todong sitau imang a'jappa anjoreng ri aganga. Nacini'na anjo taua, a'lilimi nampa napatulusu' jappana.

LUKAS 10:33

Mingka ribokoanganna, nia'mo sitau tu Samaria sitabang a'jappa todong anjoreng ri aganga. Ri wattunna nacini' anjo taua tappalengang ri aganga, sanna'mi paccena nyawana lanri nakamaseanna anjo taua.

LAMPA-LAMPANA 16:28

Mingka ammarrang lompomi Paulus nakana, “Teako bunoi kalennu! Nia' ngaseng jaki' anrinni!”

LAMPA-LAMPANA 18:17

Jari a'gilimmi ke'nanga anjakkalaki Sostenes, iamintu kapalana anjo balla' sambayanga, nampa naba'ji ri dallekanna mejang pangadelanga. Mingka tena sikali najampangi Galio anjo apa nagaukanga ke'nanga.

2 TIMOTIUS 3:2

Massing kaparalluang kalenna mami lanaondang rupataua; massing angngondang dudui doe', tampoi siagang nangai a'bicara kosonga. Nangai ke'nanga nahina taua, naewai tau toana, tangngassengai appala' sukkuru', siagang nakabirisi nikanaya katallassang rohani.